The news is by your side.

Advertisement

جنوبی وزیرستان : سیکیورٹی فورسز کی چیک پوسٹ پر دہشت گردوں کی فائرنگ ،2 جوان شہید

راولپنڈی : جنوبی وزیرستان میں سیکیورٹی فورسز کی چیک پوسٹ پر دہشت گردوں کی فائرنگ سے حوالدارمطلوب عالم اور سپاہی سلیمان شوکت شہید ہوگئے۔

پاک فوج کے شعبہ تعلقات عامہ (آئی ایس پی آر) کے مطابق جنوبی وزیرستان میں پاش زیارت کے قریب گزشتہ رات دہشت گردوں کی جانب سے سیکیورٹی فورسز کی چیک پوسٹ پر فائرنگ کی گئی۔

آئی ایس پی آر کا کہنا ہے کہ سیکیورٹی فورسز نے فوری جوابی کارروائی کی اور فائرنگ کے تبادلے میں حوالدارمطلوب عالم ،سپاہی سلیمان شوکت شہید اور ایک سپاہی زخمی ہوگیا تاہم علاقے میں کلیئرنس کیلئے آپریشن جاری ہے۔

یاد رہے رواں ماہ کے آغاز میں بلوچستان کے علاقے ژوب کے منذیکئی سیکٹر پر دہشت گردوں نے پاک افغان بارڈر پر سرحد پار سے فائرنگ کی تھی ، فائرنگ کے نتیجے میں ایس سی کا 22 سالہ نائیک فخر عباس شہید ہوگیا جبکہ دو ایف سی جوان زخمی ہوگئے تھے۔

اس سے قبل اکتوبر میں پاک افغان بارڈر پر سرحد پار سے دہشت گردوں کی جانب سے فائرنگ کے نتیجے میں حولدارتنویر شہید اور ایک جوان زخمی ہوگیا تھا ،

ڈی جی آئی ایس پی آر کا کہنا تھا کہ سرحد پار سے باجوڑ سیکٹر آرمی چیک پوسٹ کونشانہ بنایاگیا۔

Comments

یہ بھی پڑھیں