The news is by your side.

Advertisement

کراچی پولیس کی کامیاب کارروائی : کالعدم تحریک طالبان کے دو دہشت گرد گرفتار

کراچی : پولیس نے بڑی کارروائی کرتے ہوئے دو خطرناک دہشت گردوں کو گرفتار کرلیا، ملزمان کا تعلق کالعدم تحریک طالبان سے ہے، ملزمان سے اسلحہ اور دستی بم برآمد ہوا ہے۔

تفصیلات کے مطابق کراچی پولیس نے خفیہ اطلاع پر کارروائی کرتے ہوئے دہشت گردی کی متعدد وارداتوں میں ملوث دو خطرناک ملزمان کو حراست میں لے لیا۔

اس حوالے سے صحافیوں کو تٖصیلات بتاتے ہوئے ایس ایس پی ایسٹ نے کہا کہ کالعدم تحریک طالبان سوات گروپ کے دو کمانڈر گرفتار کرلیے گئے ہیں۔

دہشت گردوں میں رحمت علی عرف قاری صاحب اور صابر شاہ عرف ملا شامل ہیں، دہشت گرد رحمت کا تعلق ملا فضل اللہ جاوید سواتی گروپ سے ہے۔

ایس ایس پی ایسٹ کا مزید کہنا تھا کہ ملزم رحمت نے سال2009میں بونیر میں پولیس چوکی پر حملہ کیا تھا جبکہ ملزم صابر کراچی میں کٹی پہاڑی کے قریب کالعدم تنظیم کا نیٹ ورک چلاتا تھا، ملزم دوران آپریشن براستہ کوئٹہ افغانستان بھاگ گیا تھا۔

مزید پڑھیں: سی ٹی ڈی کی بڑی کارروائی، تحریک طالبان اور القاعدہ کے 5دہشت گرد گرفتار

پولیس کے مطابق دہشت گرد صابر کمانڈر اختر زمان شاہ کا قریبی ساتھی بتایا جاتا ہے، گرفتارملزمان سے اسلحہ اور دستی بم برآمد ہوا ہے۔

Comments

comments

یہ بھی پڑھیں