حیدرآباد: بھارت میں اسکول بس نے دو سالہ بچی کو روند ڈالا۔
بھارتی میڈیا رپورٹس کے مطابق حیدرآباد کے حبسی گوڈا علاقے میں دو سالہ بچی مبینہ طور پر اسکول بس کی ٹکر سے ہلاک ہوگئی۔
بچی کے اہلخانہ نے الزام عائد کیا ہے کہ ڈرائیور تیز رفتاری سے بس چلا رہا تھا اس نے بچی کو نہیں دیکھا جس کی وجہ سے حادثہ پیش آیا۔
رپورٹ کے مطابق بچی والد کے ساتھ بڑے بھائی کو اسکول جاتے دیکھنے کے لیے پک اپ پوائنٹ پر گئی تھی، بس میں حبسی گوڈا کے نجی اسکول کے طلبہ سوار تھے۔
بچی کی موت پر اہلخانہ نے اسکول کے قریب احتجاجی مظاہرہ کیا اور بس ڈرائیور کے خلاف کارروائی کا مطالبہ کیا۔
پولیس کا کہنا ہے کہ واقعے کا مقدمہ درج کرلیا گیا ہے مزید تفتیش جاری ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں