مہاراشٹرا: بھارتی ریاست مہاراشٹرا میں کیرے ماڑ اسپرے کرنے والے 20 کسان ہلاک جبکہ متعدد کی حالت تشویش ناک ہے۔
تفصیلات کے مطابق بھارتی ریاست مہاراشٹرا میں کیڑے مار ادویات کے چھڑکاؤ کے دوران سانس کے ذریعے دوا پھیپھڑوں میں جانے سے 20 کسان ہلاک جبکہ 100 سے زائد کسانوں کی حالت تشویش ناک ہے۔
بھارتی حکام کا کہنا ہے کہ کسانوں کی ہلاکت کی وجہ حفاظتی اقدامات نہ اٹھانا اور کیڑے مار اسپرے کے چھڑکاؤ کے دوران معیاری ماسک کا استعمال نہ کرنا ہے۔
مہاراشٹراحکومت کے ترجمان کشور ٹیواری کا کہنا ہے کہ کیڑے مار اسپرے کرنے والے 20 کسان ہلاک جبکہ 50 کی حالت تشویش ناک ہے۔
انسانی حقوق کے لیے کام کرنے والی تنظمیوں کو کا کہنا ہے کہ حکومت کی جانب سے غریب کسانوں کو ان کی حفاظت کے لیے حفاظتی سامان نہ فراہم کرنے کی وجہ سے مسلسل ہلاکتوں میں اضافہ ہورہا ہے۔
یاد رہے کہ گزشتہ ہفتے ممبئی کی ہائی کورٹ نے مہاراشٹرا کی حکومت پر متاثرہ علاقوں کو کیڑے مار ادویات بیچنے پر پابندی عائد کی تھی۔
واضح رہے کہ بھارت میں تقریباََ 26 کروڑ افراد زراعت کے پیشے سے وابستہ ہیں جبکہ گزشتہ سال مہاراشٹرا میں 1 ہزار سے زائد کسانوں نے غربت سے تنگ آکر خودکشی کرلی تھی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
