The news is by your side.

Advertisement

ایبٹ آباد میں 200 سال قدیم درخت برفباری کی نذرہوگیا

ایبٹ آباد: کنٹونمنٹ پبلک پارک میں دوسو سالہ دیودارکا درخت حالیہ برفباری کی نذرہوگیا، درخت ٹوٹنےسےجہاں دو سوسالہ تاریخ کاباب ختم ہوا وہیں اہلیان ایبٹ آباد کو بھی اداس کرگیا۔

حالیہ برف باری نے جہاں بڑے پیمانے پر تباہی مچائی وہیں1815میں لگایا جانے والادیو دار کا درخت اپنی زندگی کی201 بہاریں گزارنے کے بعد بھاری برف کا بوجھ اپنے اوپرپرنہ سہارسکا، وزن سے درخت کاتنا اور شاخیں ٹکڑوں میں تقسیم ہوکرزمین پر آ گرے۔

واضح رہےکہ پارک کی خوبصورتی کو چارچاند لگانے والے کچھ درخت پہلے ہی کنٹونمنٹ انتظامیہ کی ملی بھگت سے ختم کئے گئے تھےاورجو رہی سہی کسرتھی وہ برف باری نے پوری کردی۔

اس شہر کے پہلے ڈپٹی کمشنر مسٹرجیمزایبٹ جن کے نام سے ایبٹ آباد شہرکا نام منسوب کیا گیا انہی کی تاریخی نظم بھی اس درخت کے نیچے لگائے کے کتبے کے اوپرآویزاں تاریخ کی یاد دلاتی ہے۔

دوسوایک سالہ تاریخی درخت کو پہنچنے والے نقصان نے شہریوں کو آفسردہ کر دیا۔

Print Friendly, PDF & Email

Comments

comments

یہ بھی پڑھیں