The news is by your side.

Advertisement

وزیر اعظم آج مالاکنڈ میں جلسہ عام سے خطاب کریں گے

اسلام آباد: وزیر اعظم آج مالاکنڈ کا دورہ کرینگے جہاں وہ درگئی میں جلسہ عام سے خطاب کریں گے۔

اے آر وائی نیوز کے مطابق وزیراعظم کے جلسے کے لئے ڈگری کالج گراؤنڈ کا انتخاب کیا گیا اور جلسے کی تمام تر تیاریاں مکمل کرلیں گئیں ہیں، جلسہ عام میں وزیراعظم درگئی کے لئے متعدد ترقیاتی منصوبوں کا اعلان کرینگے۔

ادھر ذرائع کا کہنا ہے کہ وزیراعظم مالاکنڈ جانے سے قبل اجلاس کی صدارت کریں گے، حکومتی سیاسی کمیٹی کا اجلاس بنی گالہ میں ہوگا جس میں سیاسی صورتحال پر مشاورت کی جائے گی۔

ذرائع کا کہنا ہے کہ وزیراعظم کو صدارتی ریفرنس کی تیاری سے متعلق آگاہ کیاجائےگا جبکہ ارکان اسمبلی اور اتحادیوں سےرابطوں پربات ہوگی۔

یہ بھی پڑھیں: ہمارے سارے لوگ واپس آجائیں گے، وزیراعظم کی پیشگوئی

گذشتہ روز وزیراعظم عمران خان نے راولپنڈی رنگ روڈ کا افتتاح کرنے کے بعد تقریب سے خطاب کرتے ہوئے کہا تھا کہ ضمیر فروشوں کیخلاف قوم کا غصہ دیکھ رہا ہوں اور پیشگوئی کرتا ہوں کہ جیسے جیسے عدم اعتماد پر ووٹ کا وقت قریب آئیگا ویسے ویسے پی ٹی آئی سے خفا سب لوگ واپس آجائیں گے۔

وزیراعظم کا سندھ ہاؤس پر ہونے والے واقعے پر کہنا تھا کہ سندھ ہاؤس کے باہر ہمارے لوگ جذبات میں آگئے، عمران خان نے پی ٹی آئی کارکنوں کو ہدایت کی کہ وہ ضمیر فروشوں کیخلاف پرامن احتجاج کریں لیکن تصادم کا راستہ اختیار نہ کیا جائے۔

Comments

یہ بھی پڑھیں