نئی دہلی: بھارت میں زیادتی کا شکار ہونے والے چار سالہ بچی دوران علاج اسپتال میں دم توڑ گئی۔
بھارتی میڈیا رپورٹ کے مطابق ریاست اترپردیش کے ضلع مظفرنگر(جانسٹھ) میں حیوانیت کی شکار ہونے چار سالہ بچی دوران علاج اسپتال میں چل بسی، ننھی بچی چار روز قبل گھر سے لاپتہ ہوئی تھی۔
پولیس چوکی میرا پور پولیس کے مطابق چار سال کی بچی بے ہوشی حالت میں سڑک کے کنارے پڑی ملی تھی، پولیس نے بچی کو اسپتال میں داخل کرایا اور اور چھان بین کا آغاز کیا، ابتدائی بیان کے مطابق بچی کو اس کا منہ بولا چاچا اپنے ساتھ گھر سے لے گیا تھا۔
یہ بھی پڑھیں: بھارت : جنسی زیادتی کا شکار 6 سالہ بچی دوران علاج دم توڑ گئی
پولیس نے بچی کو گھر سے لے جانے والے نوجوان کو حراست میں لے کر پوچھ گچھ کی تو اس نے لڑکی کو تانترک نامی شخص کے حوالے کرنے کا انکشاف کیا، متاثرہ لڑکی کی والدہ نے سونی کشیف اور اس کے ساتھی کے خلاف پہلے ہی مقدمہ درج کرادیا تھا۔
مقامی پولیس کے مطابق زیادتی کا نشانہ بننے والی بچی میرٹھ کے اسپتال میں دوران علاج دم توڑ گئی، پولیس نے سنگین واقعے میں ملوث ایک ملزم کو گرفتار کرلیا ہے جبکہ دوسرے ملزم کی گرفتاری کے لئے چھاپے مارے جارہے ہیں۔
