The news is by your side.

موٹروے پولیس کی کارروائی، منشیات اسمگلنگ کی کوشش ناکام

راولپنڈی: صوبہ پنجاب کے ضلع راولپنڈی میں منشیات اسمگلنگ کی کوشش کا ناکام بنادیا گیا ہے۔

موٹر وے پولیس کی جانب سے جاری بیان میں کہا گیا کہ چکری کے مقام پر موٹر وے پولیس نے کارروائی کی اور گاڑی میں موجود بوریوں کی تلاشی کے دوران 11 کلو منشیات برآمد کرلی۔

موٹروے پولیس کے مطابق عالمی مارکیٹ میں منشیات کی قیمت کروڑوں روپے بتائی جاتی ہے، کامیاب کارروائی کے بعد منشیات کو اینٹی نارکوٹکس فورس کے حوالے کردیا گیا ہے۔

واضح رہے کہ رواں سال اگست میں وفاقی دارالحکومت میں منشیات کے خلاف گرینڈ آپریشن شروع کیا گیا تھا، جس کے لئے اسلام آباد پولیس ہیڈکوارٹر میں ڈائریکٹوریٹ میڈیا بھی قائم کیا گیا۔

مزید پڑھیں: بھیڑوں کے ذریعے منشیات کی اسمگلنگ کیسے پکڑی گئی؟

ایس ایس پی آپریشن ڈاکٹر مصطفیٰ کا کہنا تھا کہ جرائم کے حوالے سے ہفتہ وار بریفنگ دی جائے گی اور کرائم کے حوالے سے میڈیا کو آگاہ کیا جائے گا۔

ماہ جولائی میں آرمی چیف جنرل قمرجاوید باجوہ نے اے این ایف ہیڈکوارٹرزکا دورہ کیا تھا، حکام نے آرمی چیف کو آپریشنل امور پر تفصیلی بریفنگ دی تھی، اس موقع پر چیف آف آرمی اسٹاف کا کہنا تھا کہ ’منشیات کا مکروہ دھندہ کرنے والے قومی سلامتی کیلئےخطرہ اور منشیات تیار کرنے والےانسانیت کے دشمن ہیں۔

Comments

یہ بھی پڑھیں