The news is by your side.

Advertisement

دھونی کے یادگار چھکے پر تنازع ؛ بیٹسمین پھٹ پڑے

گوتم گھمبیر 2011 ورلڈکپ کی کامیابی کا سارا کریڈٹ مہندرا سنگھ دھونی کو دینے پر پھٹ ‏پڑے۔

آج سے 10 سال قبل سری لنکا کو شکست دے پر عالمی کپ جیتنے والی بھارتی ٹیم کے رکن گوتم ‏گھمبیر نے جیت کو اجتماعی کاوشوں کا نتیجہ قرار دیتے ہوئے کہا کہ ایک چھکا لگانے سے کوئی ‏ورلڈکپ نہیں جیتا جا سکتا۔

ماضی کی یادوں تازہ کرتے ہوئے گھمبیر نے کہا کہ بھارت نے 28 سال بعد ورلڈکپ صرف دھونی ‏کے چھکے کی وجہ سے نہیں جیتا، اس میں یوراج سنگھ، میرا، ظہیرخان، پٹیل سب کا حصہ تھا۔

گھمبیر نے کہا کہ بدقسمتی سے ایک چھکا لگنے والے کو کریڈٹ دیا جاتا ہے اور دیگر کھلاڑیوں ‏کو کوئی پذیرائی نہیں ملتی، ہم یوراج کی اننگز کو کیسے بھول سکتے ہیں؟ ظہیر خان کے شاندار ‏اسپیل کو کیسے نظر انداز کر سکتے ہیں؟

اوپنر نے یاد دلایا کہ فائنل میں 97 رنز کی باری میں نے خود کھیلی، سچن ٹنڈولکر نے جنوبی افریقا ‏کے خلاف سنچری کی، ان سب کے باوجود صرف ایک چھکے کو ہی کیوں یاد رکھتے ہیں۔

واضح رہے کہ مہندرا سنگھ دھونی نے فائنل میں کلاسیکرا کو چھکا لگا کر ٹیم کو فتح دلائی تھی ‏اور ان کی مخصوص ہیلی کاپٹر شارٹ یادگار بن تھی۔

Comments

یہ بھی پڑھیں