شارجہ : ایشیا کپ میں پاکستان اور افغانستان کے درمیان کھیلا جانے والا میچ سنسنی خیز مقابلے کے بعد قومی ٹیم نے جیت لیا، میچ کی خاص بات نسیم شاہ کا فلک شگاف چھکا تھی۔
اس میچ میں پاکستان کی شاندار کامیابی کے بعد بھارت کا ایونٹ میں ایک فیصد واپسی کا خواب بھی چکنا چور ہوگیا، بھارتی شائقین بھی افغان ٹیم سے بہت سی امیدیں لگائے بیٹھے تھے جس میں انہیں مایوسی ملی۔
اس اہم میچ میں پاکستان نے افغانستان کو ایک وکٹ سے شکست دی۔ افغانستان نے پہلے بیٹنگ کرتے ہوئے پاکستان کو 130 رنز کا ہدف دیا تھا جس کے تعاقب میں پاکستان کی بیٹنگ لائن شروع سے ہی مشکلات کا شکار رہی۔
پاکستان کے نو کھلاڑی آؤٹ ہوچکے تھے اور اسے چھ گیندوں پر 11 رنز درکار تھے۔ محمد حسنین اور نسیم شاہ دو بولرز کریز پر موجود تھے اور شکست پاکستانی فینز کو آنکھوں کے سامنے نظر آ رہی تھی۔
لیکن پھر نسیم شاہ نے فضل حق فاروق کو آخری اوور کی پہلی دو گیندوں پر دو فلک شگاف چھکے مار کر پاکستان کو جیت دلا دی۔
اس جیت پر اگر کہا جائے کہ نسیم شاہ نے ہار کے جبڑوں سے جیت چھین لی تو بے جا نہ ہوگا، میچ کے اختتام پر نوجوان فاسٹ بولر بہت خوش نظر آئے اور روی شاستری کو یہ بھی کہا کہ ان کی آج کی بیٹنگ کے بعد سب یہ بھول گئے کہ میں بولر بھی ہوں۔
سوشل میڈیا پر بھی صارفین نسیم شاہ ہی کہ قصیدے پڑھتے ہوئے نظر آ رہے ہیں۔
پاکستان کے صدر عارف علوی نے ایک ٹویٹ میں نسیم شاہ کو شاباش دیتے ہوئے لکھا کہ ویل ڈن نسیم شاہ۔ سیلاب کے باعث ہماری پریشانیوں کے باوجود گرین شرٹس ہمارے چہروں پر مسکراہٹ لے آئے ہیں۔
Well done Naseem Shah. Despite our worries because of floods, green shirts bring smiles to our faces. Exciting cricket. I commiserate with Aghan cricketers for excellent and improving performances in the last few years.
— Dr. Arif Alvi (@ArifAlvi) September 7, 2022
انس ملک نے لکھا کہ شارجہ کو کبھی میانداد کے چھکے کی وجہ سے جانا جاتا تھا لیکن اس صدی میں اسے نسیم شاہ کے چھکے کے سبب جانا جائے گا۔
Sharjah was once known for Miandad ka Chakka, this century it will be known for Naseem Shah ka Chakka! #AsiaCup2022
— Anas Mallick (@AnasMallick) September 7, 2022
عباد احمد نامی صارف نے لکھا یہ نسیم شاہ کی دنیا ہے اور ہم اس میں رہ رہے ہیں۔
This is Naseem Shah’s world and we are living in it.
— Ebad Ahmed (@ebadahmed) September 7, 2022
کسی نے سابق صدر آصف زرداری کی میم شیئر کرتے ہوئے لکھا ایسا بولر ہی نہیں رکھتے جو ہٹنگ نہ کر سکے۔
Aisa Bowler hi nahi rakhty jo Hitting na kry…
Naseem Shah you Beauty
"PAK vs AFG” pic.twitter.com/0gVjB0Iwdm
— Ghulam_Muhayyudin_Malik 🍥 (@MuhayyudinMalik) September 7, 2022
واضح رہے کہ اس جیت کے ساتھ پاکستان ایشیا کپ کے فائنل کے لیے کوالیفائی کر گیا ہے جہاں 11 ستمبر کو اس کا مقابلہ سری لنکا سے ہوگا۔
