The news is by your side.

قطر میں دنیائے کھیل کا سب سے بڑا میلہ سج گیا

دوحہ : قطر میں فیفا ورلڈ کپ 2022کا تاریخی انعقاد آج سے ہورہا ہے، جس کی پروقار اور رنگا رنگ افتتاحی تقریب ہونے جارہی ہے۔

فیفاورلڈ کپ دیکھنے کیلئے دنیا بھر سے شائقین کی قطر آمد کا سلسلہ تاحال جاری ہے، قطر الخور کے البیت اسٹیڈیم میں افتتاحی تقریب اور پہلا میچ دیکھنے کیلئے شائقین پرجوش ہیں۔

فیفا ورلڈ کپ کے پہلے معرکے میں آج میزبان قطر اور ایکواڈور مدمقابل ہوں گے، ٹیمیں پہنچ چکی ہیں، ورلڈکپ 2022 کے پہلے مرحلے میں 32ٹیموں کو 8گروپوں میں تقسیم کیا گیا ہے۔

قطر حکومت کی جانب سے طویل عرصے سے اس حوالے سے تیاریاں جاری تھیں اور آج ورلڈ کپ میں حصہ لینے والی ٹیموں کے علاوہ لاکھوں کی تعداد میں شائقین بھی قطر پہنچ چکے ہیں۔

ورلڈ کپ کی افتتاحی تقریب آج دوحہ میں ہو رہی ہے جس میں شرکت کے لیے دنیا بھر سے رہنما بھی پہنچے ہیں جن میں سعودی ولی عہد شہزادہ محمد بن سلمان بھی شامل ہیں۔

تمام 64 میچ 29 ایام کے دوران کھیلے جائیں گے جو 32 ٹیموں کے حساب سے فٹ بال ورلڈ کپ کی تاریخ کا کم ترین عرصہ ہے۔

شروع کے دو روز چھوڑ کر باقی کے تمام دنوں کے دوران چار میچ کھیلے جائیں گے۔32ٹیموں میں سے ہر ایک ٹیم ناک آؤٹ مرحلے سے قبل اپنے گروپ میں تین میچ کھیلے گی۔

Comments

یہ بھی پڑھیں