حال ہی میں شائع ہونے والی آئی ایم ایف کی سالانہ رپورٹ میں کہا گیا ہے کہ 2023 کے مالی سال میں 36 ممالک کو 74 ارب ڈالر کا قرضہ دیا گیا۔
آئی ایم ایف سالانہ رپورٹ کے مطابق اپنے 2023 کے مالی سال کے دوران آئی ایم ایف نے 36 ممالک کو 74 بلین ڈالر کا قرضہ دیا، جن میں تقریباً 11 بلین ڈالر 21 کم آمدنی والے ممالک کو دیا گیا۔
رپورٹ کے مطابق جب سے کرونا وائرس کی وبا کا آغاز ہوا ہے تب سے اب تک 96 ممالک کو مجموعی طور پر 294 ارب ڈالر کا قرضہ دیا گیا ہے۔
صحت کے حوالے سے بھی آئی ایم ایف نے خدمات فراہم کیں، اور عملی تکنیکی مشاورت، پالیسی سازی اور عصری علم سے متعلق پروجیکٹس کے لیے 337 ملین ڈالر مختص کیے۔
رپورٹ میں کہا گیا ہے کہ اگرچہ عالمی معیشت کے منظرنامے میں تاحال غیر یقینی کی کیفیت چھائی ہوئی ہے تاہم اس میں بہتری آئی ہے، اس کے باوجود زیادہ تر ممالک میں فوری نمو کے امکانات دبے ہوئے ہیں اور منفی پہلو کے خطرات بلند ہیں۔ آئی ایم ایف کا کہنا ہے کہ عالمی سطح پر افراط زر کی شرح میں کچھ حد تک کمی آئی ہے، لیکن قیمتوں کا بنیادی دباؤ اب بھی برقرار ہے۔
