پاکستان اور چین کے درمیان 20کروڑ ڈالر کے معاہدوں پر دستخط pak china
The news is by your side.

Advertisement

پاکستان اور چین کے درمیان 20کروڑ ڈالر کے معاہدوں پر دستخط

اسلام آباد: پاکستان اور چمین کے درمیان 20 کروڑ ڈالر کے معاہدے طے پاگئے، معاہدوں پر دستخط چینی کمپنیوں کے وفد کے دورہ پاکستان کے موقع پر کیے گئے۔

تفصیلات کے مطابق پاکستان اور چین کے درمیان 20 کروڑ ڈالر کے معاہدوں پر دستخط کردئیے گئے، چیی سفارتخانے کے کمرشل اتاشی نے کہا ہے کہ سی فوڈ، اسٹیل اور زراعت کے معاہدوں پر دستخط کیے گئے ہیں۔

کمرشل اتاشی نے کہا کہ چینی حکومت پاکستان، چین کے درمیان غیرمتوازن تجارتی حجم سے آگاہ ہے، پاکستان کے ساتھ غیر متوازن حجم کو ختم کرنا چاہتے ہیں۔

دوسری جانب وفاقی وزیر برائے منصوبہ بندی و اصلاحات خسرو بختیار کا کہنا ہے کہ پاک چین اقتصادی راہداری کے تحت جاری منصوبوں کے کام میں تیزی لائی جائے گی، منصوبے اپنے مقررہ وقت پر مکمل ہوں گے۔

انہوں نے کہا کہ معیشت کی بحالی، روزگار کے مواقع کی فراہمی اور ملک میں مصنوعات کی تیاری کے شعبے کو فروغ دینا ہماری حکومت کی اولین ترجیح ہے۔

خسرو بختیار نے کہا کہ چین اور پاکستان کے درمیان سی پیک کے تحت صنعتی تعاون محض خصوصی زونز تک محدود نہیں ہونا چاہئے، دونوں ملکوں کے درمیان وسیع تر صنعتی تعاون کے تحت صنعتی شعبہ ترقی کرے گا۔

Comments

comments

یہ بھی پڑھیں