The news is by your side.

Advertisement

22 چینی کرونا ویکسینز تجرباتی مرحلے میں داخل

بیجنگ: چین میں 22 کرونا ویکسینز کلینکل ٹرائلز کے مرحلے میں داخل ہو گئی ہیں۔

تفصیلات کے مطابق چین میں کرونا وائرس کی 22 ویکسینز کو کلینکل ٹرائلز کے مرحلے میں داخل ہونے کی منظوری دے دی گئی ہے۔

جمعرات کو ایک پریس کانفرنس میں نیشنل میڈیکل پروڈکٹس ایڈمنسٹریشن کے حکام نے بتایا کہ آج تک ملک میں کووِڈ 19 کی 4 ویکسینز کو مشروط طور پر فروخت کے لیے پیش کرنے اور 3 ویکسینز کے ہنگامی استعمال کی اجازت دی گئی ہے۔

یاد رہے کہ گزشتہ ماہ کے پہلے ہفتے چینی حکام نے کہا تھا کہ ملک میں کرونا وائرس کی 21 ویکسینز طبی تجربات کے مراحل میں داخل ہوئی ہیں۔

چینی ویکسینز کے بارے میں امریکی ادارے کی رپورٹ

مہلک کرونا وائرس کی وبا سے لڑنے میں چین سب سے آگے رہا ہے، چین کرونا وائرس کے خلاف ویکسینز پر تجربات کے حوالے سے بھی دیگر ممالک سے آگے ہے۔

مجموعی طور پر کرونا وائرس کی 8 ویکسینز ایسی ہیں، جن کی بیرون ملک تیسرے طبی مرحلے کے تجربات کی منظوری دی گئی ہے، جب کہ ایک میسنجر آر این اے (ایم آر این اے) ویکسین نے بیرون ملک تیسرے مرحلے کے ٹرائل کے سلسلے میں تمام اخلاقی تقاضوں کو پورا کر لیا ہے۔

قومی صحت کمیشن کے مطابق چین میں رواں سال کے آخر تک کم از کم 70 فی صد ہدف آبادی کو کرونا وائرس کے خلاف ویکسین لگائے جانے کی امید ہے۔

Comments

یہ بھی پڑھیں