تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ٹریفک اہلکار کے قتل میں ملوث نوجوان کو عمر قید کی سزا

نئی دہلی : ٹریفک کانسٹیبل کو تشدد کے بعد قتل کرنے کے جرم میں بھارتی عدالت نے 23 سالہ نوجوان کو عمر قید کی سزا سنا دی۔

تفصیلات کے مطابق بھارتی عدالت نے ٹریفک کانسٹیبل کے قتل سے متعلق کیس کی سماعت کرتے ہوئے ملزم پر فرد جرم عائد کردی، احمد قریشی نے ٹریفک اہلکار کو 2016 میں تشدد کا نشانہ بنایا تھا جو اس کی موت کا باعث بنا۔

عدالت نے احمد قریشی کو سزائے موت دینے کی پولیس کی ایپل مسترد کرتے ہوئے ملزم پر دفعہ 302 انڈین پینل کوڈ کے تحت فرد جرم عائد کرتے ہوئے عمر قید کی سزا سنائی ہے۔

مجرم احمد قریشی نے 2016 میں ٹریفک کانسٹیبل شندے کو لکڑی کا تختہ مارا تھا جو اسے کےلیے موت کا پروانہ ثابت ہوا۔

بھارتی میڈیا کے مطابق 23 سالہ احمد کا 16 سالہ بھائی بائیک پر پیٹرول بھروانے آیا تو پمپ پر کانسٹیبل ولاس شندے نے اسے بغیر ہیلمٹ بائیک چلانے کے جرم میں روک لیا اور چالان کرنے کےلیے زبردستی بائیک سے چابی بھی نکال لی۔

احمد کے بھائی نے فون کرکے اپنے اہل خانہ کو بلایا تو اہل خانہ نے بتایا کہ ہم قریب میں ہی رہتے ہیں اسی لیے بچے نے ہیلمٹ نہیں پہنا لیکن ٹریفک اہلکار نہیں مانا اور احمد قریشی سے بحث شروع ہوگئی جس پر احمد نے پیچھے سے لکڑی کا تختہ اٹھا کر ٹریفک اہلکار کے سر پر دے مارا۔

مجرم نے مقتول کے سینے پر ایک زور دار لات ماری اور موقع سے فرار ہوگیا لیکن احمد تشدد کے باعث وہیں دم توڑ گیا تھا۔

Comments

- Advertisement -