The news is by your side.

Advertisement

پنجاب میں کرونا کے 2361 نئے کیسز سامنے آگئے

لاہور: محکمہ صحت پنجاب نے کہا ہے کہ صوبے میں کرونا کے 2361 نئے کیسز سامنے آگئے جس کے بعد مریضوں کی مجموعی تعداد 58239 ہوگئی ہے۔

محکمہ صحت پنجاب کے مطابق لاہور میں سب سے زیادہ 1642 کیسز سامنے آئے، گزشتہ 24گھنٹے میں کرونا سے 68افراد دم توڑگئے، پنجاں میں وبا سے جاں بحق افراد کی مجموعی تعداد 1149 ہوگئی۔

ترجمان پرائمری اینڈسیکنڈری ہیلتھ کا کہنا ہے کہ اب تک375523ٹیسٹ کیے جاچکے ہیں۔ پنجاب میں کرونا کو شکست دینے والوں کی تعداد 17780 ہوچکی ہے، تمام مریضوں کا علاج جاری ہے۔

پاکستان میں کرونا کیسز کا گراف تیزی سے بلند ہو رہا ہے، کیسز کی تعداد کے لحاظ سے 213 ممالک میں پاکستان دنیا کا 15 واں ملک بن چکا ہے، اموات اور نئے کیسز کی تعداد میں روز بہ روز اضافہ جاری ہے، گزشتہ چوبیس گھنٹوں کے دوران ملک میں مزید 136 اموات ہوئیں۔

پاکستان میں ایک دن میں کرونا سے ریکارڈ 136 افراد جاں بحق

خیال رہے کہ گزشتہ چوبیس گھنٹوں کے دوران ملک میں 5,839 نئے کیسز سامنے آئے، نیشنل کمانڈ اینڈ آپریشن سینٹر کی جانب سے جاری اَپ ڈیٹ کے مطابق نئے اور مہلک وائرس کو وِڈ نائنٹین سے پاکستان بھر میں 154,760 افراد متاثر ہو چکے ہیں، جب کہ اموات کی تعداد 2,975 ہو گئی ہے۔

Comments

یہ بھی پڑھیں