The news is by your side.

Advertisement

سیف سٹی اسلام آباد ڈاکوؤ ں کے نرغے میں، شہری خطیر رقم سے محروم

اسلام آباد: وفاقی دارالحکومت میں دن دیہاڑے شہری سے پچیس لاکھ کی خطیر رقم چھین لی گئی ہے۔

سیف سٹی شہر کہلانے والا وفاقی دارالحکومت ڈاکوؤں کے نرغے میں آگیا، جہاں دن ڈیہاڑے شہری سے لاکھوں روپے لوٹ لئے گئے۔

رپورٹ کے مطابق واقعہ تھانہ سبزی منڈی کے علاقہ سیکٹر آئی ٹین میں پیش آیا، جہاں تین ملزمان نے بینک سے رقم لیکر نکلنے والے شہری سے اسلحے کے زور پر رقم چھینی اور فرار ہوگئے۔

اے آر وائی نیوز نے واقعے کی سی سی ٹی وی فوٹیج حاصل کرلی ہے، ویڈیو میں دیکھا جاسکتا ہے کہ تین ڈاکو بینک سے رقم لیکر نکلنے والے شہری سے نقدی کا تھیلا چھین کر فرار ہوئے۔

پولیس ذرائع کے مطابق شہری پچیس لاکھ سے زائد خطیر رقم سے محروم ہوا ہے،واقعے کی رپورٹ درج کرنے کے بعد کارروائی کا آغاز کردیا گیا ہے۔

Comments

یہ بھی پڑھیں