تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

چٹاگانگ ٹیسٹ: قومی بولرز کے بعد بیٹرز بھی ڈٹ گئے

چٹاگانگ: پاکستان اور بنگلہ دیش کے درمیان جاری پہلے ٹیسٹ میچ کے دوسرے روز قومی ٹیم کے اوپنرز نے بنگلہ دیشی بولنگ کا بھرکس نکال دیا۔

تفصیلات کے مطابق بنگلہ دیش کے خلاف چٹاگانگ ٹیسٹ کے دوسرے روز کھیل کے اختتام پر قومی ٹیم نے بغیر کسی نقصان کے 145 رنز بنالیے، قومی ٹیم کے بنگلہ دیش کی برتری ختم کرنے کے لیے مزید 185 رنز درکار ہیں۔

عابد علی 93 اور عبداللہ شفیق 52 رنز کے ساتھ کریز پر موجود ہیں۔

اس سے قبل شاہینوں کا پلٹ کر وار، بنگلا دیش کو 330 رنز پر آل آؤٹ کردیا تھا۔

پاکستان کی جانب سے حسن علی نے شاندار بولنگ کا مظاہرہ کرتے ہوئے پانچ کھلاڑیوں کو پویلین بھیجا، فہیم اشرف اور شاہین شاہ آفریدی نے 2، دو کھلاڑیوں کو آؤٹ کیا، بنگلا دیش اپنے گذشتہ اسکور میں 76 رنز کا اضافہ کرسکی۔

بنگلہ دیش چٹاکانگ ٹیسٹ کے پہلے روز 49 رنز پر 4 وکٹیں گنوانے کے بعد سبنھلی، لٹن داس اور مشفیق الرحیم نے پانچویں وکٹ کی شراکت پر ریکارڈ 204 رنز بناکر اپنی ٹیم کو نہ صرف مکمل تباہی سے بچایا ساتھ ہی بڑا اسکور کرنے کی بنیاد بھی ڈالی۔لٹن داس 114 اور مشفیق الرحیم 91 رنز بناکر نروس نائینٹز کا شکار ہوئے تو پاکستانی بولرز نے بنگال ٹائیگرز کو جکڑ لیا اور وقفے وقفے سے ان کی وکٹیں حاصل کرتے رہے۔

لٹن داس اور مشفیق الرحیم کے آؤٹ ہونے کے بعد کوئی بھی بنگلا دیشی بیٹرز پاکستانی بولرز کے سامنے نہ ٹہر سکا، ٹیل اینڈرز مہدی حسن نے 38 رنز کی تیز اننگز کھیلی اور ناٹ آؤٹ رہے۔

 

 

Comments

- Advertisement -