The news is by your side.

Advertisement

امربالمعروف جلسہ: کپتان کی پکار پر کھلاڑی تیار، میدان سج گیا

اسلام آباد: پاکستان تحریک انصاف آج اسلام آباد میں بھرپور عوامی قوت کا مظاہرہ کرنے جارہی ہے، جلسے کے لئے پریڈ گراؤنڈ میں ملک بھر سے قافلوں کی آمد کا سلسلہ شروع ہوگیا ہے، وزیراعظم عمران خان شام چار بجے جلسے سے خطاب میں اہم اعلان کرینگے۔

اے آر وائی نیوز کے مطابق وزیراعظم کیخلاف تحریک عدم اعتماد سے ایک روز قبل وفاقی دارالحکومت اسلام آباد میں پاکستان تحریک انصاف کے تحت امر بالمعروف جلسے کا انعقاد کیا جارہا ہے، جلسے کو لیکر کارکنان میں نیا جوش ولولہ پایا جاتا ہے، جس کا اندازہ اس بات سے لگایا جاسکتا ہے کہ کارکنان کے قافلے ‘پریڈ گراؤنڈ’ میں پہنچ چکے ہیں۔

تحریک انصاف کی قیادت کیلئے 36کنٹینرز پر مشتمل اسٹیج تیار کیا گيا ہے، جلسہ گاہ میں خواتین کیلئے خصوصی انکلوژر تیار کیا گیا ہے، جہاں ہزاروں کرسیاں لگادی گئیں، جب کہ خواتین انکلوژر کو حفاظتی شیٹس اور خاردار تار لگا کر الگ کیا گیا ہے۔

پی ٹی آئی رہنماؤں کا دعویٰ ہے کہ آج کا جلسہ ملکی تاریخ کا سب سے بڑا جلسہ ہوگا اور وہ مینار پاکستان جلسے کا بھی ریکارڈ پاش پاش کرے گا۔

رات گئے وفاقی وزیر اسد عمر نے پریڈ گراؤنڈ میں جلسہ ‘امربالمعروف’ کے انتظامات کا جائزہ لیا، اس موقع پر میڈیا سے گفتگو میں انہوں نے دعویٰ کیا کہ کل ہمارے کارکنوں کےلیےیہ جلسہ گاہ کم پڑجائےگی۔

اسدعمر کا کہنا تھا کہ عمران خان ایک خود دار پاکستان کے لئےکوشاں ہیں انہوں نے تمام مسلمانوں کی حرمت کامقدمہ لڑا، عمران خان عزت اورخودمختاری کیساتھ تمام ملکوں سےتعلقات چاہتےہیں۔

سینیٹر فیصل جاوید نے بھی رات گئے میڈیا سے گفتگو میں کہا کہ یہ جلسہ ایک تاریخ رقم کرنےجارہاہے، عوام پاکستان بچانے کی تحریک میں عمران خان کیساتھ ہیں، اندورن ملک اور بیرون ملک سےکارکنان یہاں پرپہنچ رہےہیں۔

پی ٹی آئی رہنما نے کہا کہ اپوزیشن کی کانپیں ٹانگ گئی ہیں، عمران خان نےان چوروں کو این آر او نہیں دینا، وزیراعظم کل ایسا کارڈ لا رہے ہیں جس سے اپوزیشن کو لگ پتا جائے گا۔

ملک بھر سے اسلام آباد پہنچنے والے قافلوں کی صورت حال

وزیراعظم عمران خان کے اسلام آباد جلسےکےلیےاوکاڑہ سے بڑا قافلہ روانگی کے لئے تیار ہے، پی ٹی آئی کےقافلے میں 100 سے زائد گاڑیاں شامل ہیں اور کارکنان وزیراعظم عمران خان کےحق میں نعرے بازی کررہے ہیں۔

چترال سےپی ٹی آئی کارکنوں کا قافلہ اسلام آباد پہنچ گیا ہے، قافلےکی قیادت وزیراعلیٰ کےپی کے معاون خصوصی اقلیتی امور کررہےتھے، کارکنان نے اسلام آبادٹول پلازہ پر روایتی کیلاشی رقص کیا، اس موقع پر معاون خصوصی وزیرزادہ بھی روایتی رقص کرتے رہے۔

Comments

یہ بھی پڑھیں