تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

فیفا ورلڈکپ: سعودی ایئرلائنز نے شائقین کو بڑی خوشخبری سنادی

دوحہ: سعودی عریبین ایئر لائنز (السعودیہ) نے فٹ بال ورلڈکپ کے شائقین کو بڑی خوشخبری سنادی

میڈیا رپورٹ کے مطابق قطر ایئرویز (القطریہ) کے ایگزیکٹیو چیئرمین اکبر الباکر نے بتایا کہ سعودی عریبین ایئرلائنز (السعودیہ) چالیس پروازوں کے ذریعے فٹ بال ورلڈ کپ کے شائقین کو قطر آنے جانے کی سہولت فراہم کرے گی۔

اخبار ٹوئنٹی فور کے مطابق الباکر نے بتایا کہ ’فلائی دبئی فٹ بال ورلڈ کپ کے لیے ساٹھ ، الکویتیہ بیس اور عمان ایئر اڑتالیس پروازیں چلائے گی، اس حوالے سے مذکورہ چاروں فضائی کمپنیوں کے ساتھ معاہدے طے پاچکے ہیں۔الباکر نے مزید بتایا کہ الاتحاد ایئر اور العربیہ ایئرویز بھی فٹ بال ورلڈ کپ کے شائقین کو قطر پہنچانے کا کام انجام دیں گی، جلد ہی ان خلیجی فضائی کمپنیوں کے ساتھ معاہدے طے پاجائیں گے۔

القطریہ کا کہنا ہے کہ ’خلیجی ممالک کی فضائی کمپنیاں اس سال قطر میں ہونے والے فٹ بال ورلڈ کپ کے میچوں کے شائقین کو روزانہ کی بنیاد پر قطر لانے لے جانے کا کام انجام دیں گی۔

معاشی حکام کا کہنا ہے کہ فیفا ورلڈ کپ فٹبال سے قطر کو بیس بلین ڈالر تک آمدنی متوقع ہے۔

Comments

- Advertisement -