دبئی: انٹرنیشنل کرکٹ کونسل نے کھلاڑیوں کی نئی درجہ بندی جاری کردی ہے۔
تفصیلات کے مطابق آئی سی سی نے ایک روزہ، ٹی ٹوئنٹی فارمیٹ کی نئی درجہ بندی جاری کی، ون ڈے رینکنگ میں قومی ٹیم کے کپتان بابراعظم بدستور پہلے نمبر پر براجمان ہیں۔
بھارت کے ویرات کوہلی دوسرے، روہت شرما تیسرے جبکہ نیوزی لینڈ کے راس ٹیلر چوتھی پوزیشن پر براجمان ہیں، آسٹریلیا کے ایرون فنچ پانچویں، انگلینڈ کے جونی برسٹو چھٹے ، ڈیوڈ وارنر ساتویں، کوئنٹن ڈی کوک آٹھویں ،شائے ہوپ نویں جبکہ کین ولیمسن دسویں نمبر پر موجود ہیں۔
آئی سی سی کی جانب سے ون ڈے فارمیٹ کی بولرز رینکنگ میں نیوزی لینڈ کے ٹرینٹ بولٹ پہلے نمبر پر براجمان ہیں، پاکستان کا کوئی بھی فاسٹ بولر اس بار بھی ٹاپ ٹین میں جگہ نہ بناسکا۔
⬆️ Australia pacers surge up in the ODI list
⬆️ Hasaranga rises up in the T20I listMore on the latest update to the @MRFWorldwide ICC Men’s Player Rankings 👇
— ICC (@ICC) July 28, 2021
بولرز کی ٹاپ ٹین رینکنگ میں آسٹریلیا، نیوزی لینڈ اور بنگلہ دیش کے دو، دو جبکہ جنوبی افریقا، انگلینڈ ، بنگلہ دیش اور افغانستان کا ایک ایک بولر شامل ہے۔
آل راؤنڈر کی نئی درجہ بندی میں بنگلہ دیش کے شکیب الحسن پہلے نمبر پر موجود ہیں، پاکستان کے آل راؤنڈر اور کراچی کنگز کے کپتان عماد وسیم ٹاپ ٹین میں شامل ہیں، آل راؤنڈر رینکنگ میں ان کا نمبر آٹھ ہے۔
ٹی ٹوئنٹی رینکنگ
آئی سی سی کی جانب سے ٹی ٹوئنٹی رینکنگ میں انگلینڈ کے ڈیوڈ میلان کا پہلا نمبر ہے جبکہ کپتان بابراعظم دوسرے نمبر پر موجود ہیں، اس کے علاوہ کوئی بھی قومی کھلاڑی ٹاپ ٹین میں جگہ نہ بناسکا۔
Wanindu Hasaranga is the new No.2 bowler on the @MRFWorldwide ICC Men’s T20I Player Rankings 🎉
Full list ➡️ https://t.co/H7CnAiepAj pic.twitter.com/HDRbDjvxf0
— ICC (@ICC) July 28, 2021
مختصر فارمیٹ کی بولرز رینکنگ میں جنوبی افریقا کے تبریز شمسی کا پہلا نمبر ہے جبکہ سری لنکا کے وینڈو ڈی سلوا لمبی چھلانگ مارتے ہوئے دوسرے نمبر پر جاپہنچے، پاکستان کا کوئی بھی بولرز ٹاپ ٹین میں موجود نہیں۔
