تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ترکی کا عالمی صوفی میلہ، سائرہ پیٹر کے نام، شاندار پرفارمنس پر شائقین جھوم اٹھے

پاکستانی نژاد برطانوی صوفی اوپیرا سنگر سائرہ پیٹر نے مولانا رومی کا صوفیانہ کلام فارسی اور ترکش زبان میں گا کر میلہ لوٹ لیا۔

تفصیلات کے مطابق عالمی شہرت یافتہ صوفی مولانا جلال الدین رومی کے جشن ولادت کے موقع پر ترکی کے شہر قونیا میں اٹھارواں شاندار انٹرنیشنل صوفی میوزک فیسٹیول کا انعقاد کیا گیا۔

صوفی میوزک میلے میں لبنان،اردن، تنزانیہ، کرغستان، آذربائیجان، ایران، انگلینڈ اور دیگر ممالک کے عالمی شہرت یافتہ فنکاروں نے اپنے فن کا مظاہرہ کیا جبکہ اس سال پاکستانی نژاد برطانوی صوفی اوپیرا سنگر سائرہ پیٹر کو لندن سے خصوصی طور پر آواز کا جادو جگانے کے لیے ترکی مدعو کیا گیا۔صوفی میلے میں عالمی شہرت یافتہ فنکار ایک ہفتے تک دنیا بھر کے صوفی شعراء کے کلام کا جادو جگاتے رہے، گلوکارہ زاہدہ وہاب، حنا الحمد، رجب سلیمان، سلامت صدیقہ اور ترکی کے مشہور فنکاروں نے رقص اور موسیقی کے رنگ بکھیر کر میلے کو چار چاند لگائے۔

تاہم پاکستانی نژاد برطانوی صوفی اوپیرا سنگر سائرہ پیٹر نے مولانا رومی کا صوفیانہ کلام فارسی اور ترکش زبان میں گا کر صوفی میلہ لوٹ لیا،سائرہ نے بغیر کسی وقفے کے ڈیڑھ گھنٹے تک مختلف زبانوں میں پرفارم کیا، اس موقع پر آڈیٹوریم تالیوں سے گونجتا رہا جبکہ موسیقی کے دیوانوں نے ان کے ساتھ سیلفیاں بنوائیں۔

شاندار پرفارمنس کے بعد ترک حکومت کی جانب سے مولانا رومی کے مزار کے سجادہ نشی نے سائرہ پیٹر کو خصوصی شیلڈ اور مولانا رومی کی باسری کا تحفہ بھی پیش کیا۔

Comments

- Advertisement -