دوسری انٹرنیشنل پیسز چیمپئن شپ کا آغاز 8 اکتوبر سے ہوگا، آئی ایس پی آر
The news is by your side.

Advertisement

دوسری انٹرنیشنل پیسز چیمپئن شپ کا آغاز 8 اکتوبر سے ہوگا، آئی ایس پی آر

راولپنڈی: دوسری انٹرنیشنل پیسز چیمپئن شپ کا آغاز 8 اکتوبر سے لاہور میں ہوگا جس میں مختلف کھیلوں کا انعقاد کیا جائے گا۔

پاک فوج کے شعبہ تعلقات عامہ آئی ایس پی آر کے مطابق دوسری انٹرنیشنل پیسز چیمپئن شپ کا آغاز 8 اکتوبر سے 15 اکتوبر تک لاہور میں ہوگا، جن میں 19 ممالک کی آرمی ٹیمیں شرکت کریں گی۔

کھلاڑی مختلف ایونٹس میں اپنی صلاحیتوں کا مظاہرہ کرکے ایک دوسرے پر برتری ثابت کرنے کی کوشش کریں گے، ان ایونٹس میں پش اپس، سٹ اپس، چن اپس اور کومبیٹ افیسینسی ٹیسٹ شامل ہیں۔

آئی ایس پی آر کے مطابق پیسز منظم تربیت کا وہ طریقہ ہے جو انسان کی جسمانی اور ذہنی صلاحیتوں کو بڑھانے میں مددگار ثابت ہوتی ہے۔

ایونٹ میں شرکت کے لیے یو اے ای، مالدیپ، کویت، چائنا آرمی کی ٹیمیں پاکستان پہنچ چکی ہیں جبکہ دیگر ممالک کی ٹیمیں 7 اکتوبر کو پاکستان پہنچیں گی۔

واضح رہے کہ پہلی پیسز چیمپئن شپ 2016 میں منعقد ہوئی تھی جس میں پاکستان آرمی کی ٹیم نے پہلی پوزیشن حاصل کی تھی جبکہ پیپلز لبریشن آرمی چائنا نے دوسری، سری لنکا نے تیسری اور نیپال نے چوتھی پوزیشن اپنے نام کی تھی۔

Comments

comments

یہ بھی پڑھیں