ترکی میں کورونا وائرس کے باعث لاک ڈاؤن کی بحرانی صورتحال میں لاکھوں افراد نے ورک الاؤنس کے لیے درخواست دے دی۔
ترک میڈیا کے مطابق کورونا وائرس کی وجہ سے بحرانی کیفیت کے شکار افراد نے حکومت سے اپنی تنخواہوؤں کے حصے میں سے کم مدتی ورکنگ الاؤنس فراہم کرنے کا مطالبہ کیا ہے۔
اب تک 34 لاکھ سے زائد افراد الاؤنس کے لیے آن لائن درخواست دے چکے ہیں اور مزید درخواستیں دائر کی جارہی ہیں۔
اس حوالے سے وزیر لیبر اینڈسوشل سروسز نے تحریری بیان میں کہا ہے کہ 20 لاکھ سے زائد کمپنیوں نے اپنے 34لاکھ سے زائد ملازمین کے لیے اسکیم سے متعلق درخواستیں دی ہیں۔
وزیر کا کہنا ہے کہ یہ درخواستیں وزارت کو بذریعہ آن لائن موصول ہوئی ہیں جن کا جائزہ لینے کے بعد انتہائی ضرورت مندوں کو ترجیحی بنیادوں پر رقوم کی ترسیل کی جائے گی۔
انہوں نے کہا کہ اہل کمپنیوں کو مکمل جانچ پڑتال کے بعد الاؤنس بطور لائف لائن ادا کیا جائے گا تاکہ بحران کے دوران انہیں فوری مالی معاونت مل سکے۔
وزیر نے بتایا کہ موصول شدہ درخواستوں میں سے 90 فیصد چھوٹی کمپنیوں کی جانب سے بھیجی گئیں جن میں 50 سے کم ملازمین کام کرتے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں