The news is by your side.

Advertisement

لاہورمیں تین کمسن بہن بھائیوں کا لرزہ خیزقتل، ماں گرفتار

لاہور : نامعلوم سفاک قاتل نے تین بچوں کو قتل کردیا، پولیس نے شک کی بنا پر مقتولین کی ماں کو حراست میں لے لیا۔

تفصیلات کے مطابق لاہور  کے علاقے عسکری الیون میں تہرے قتل کی واردات میں تین کمسن بچوں کو گلا دبا کر موت کے گھاٹ اتار دیا گیا، پولیس نے شک کی بنیاد پر بچوں کی ماں کو ہی حراست میں لے لیا ہے۔

پھول جیسے دس سال کے زین، چھ سال کی فاطمہ اور چارسال کے ابراہیم کو گلادبا کر قتل کیا گیا، پولیس اطلاع ملنے پر جائے وقوعہ پر پہنچی تو بچوں کی لاشوں کے ساتھ ماں بھی زخمی حالت میں ملی۔

انیقہ نامی خاتون کے بارے میں پتہ چلا ہے کہ وہ طلاق یافتہ ہے، پولیس کو بیان دیتے ہوئے پہلے اس نے بچوں کے قتل کا الزام اپنے دوست مصطفیٰ نامی شخص پرعائد کیا پھر سابق شوہر پر الزام لگا دیا۔

پولیس نے متضاد بیانات پر بچوں کی ماں انیقہ کو حراست میں لے کر تفتیش شروع کردی ہے۔

Comments

comments

یہ بھی پڑھیں