The news is by your side.

Advertisement

گھر کی چھت گرنے سے بدقسمت گھرانے کے 3 بچے جاں بحق

سکھر: صوبہ سندھ کے شہر سکھر کے علاقے نیو پنڈ میں گھر کی بوسیدہ چھت گر گئی، جس کے باعث بدقسمت خاندان کے 3 بچے جاں بحق ہو گئے۔

تفصیلات کے مطابق ضلع سکھر کے علاقے نیوپنڈ میں افسوس ناک واقعہ پیش آیا، ایک مکان کی چھت گرنے سے ملبے تلے دب کر 3 بچے جاں بحق ہو گئے، جاں بحق بچوں کی عمریں 6 اور 13 سال کے درمیان ہیں۔

پولیس کا کہنا ہے کہ نیو پنڈ میں ہونے والے حادثے میں ملبے میں دبنے سے گھر کا سربراہ اور ایک بچہ زخمی بھی ہوا ہے، جنھیں سول اسپتال منتقل کر دیا گیا ہے۔

سکھر: ماں نے نابالغ لڑکی شادی کے لیے فروخت کر دی

پولیس کے مطابق جاں بحق ہونے والے بچوں میں 13 سالہ ناہید، 9 سالہ بے نظیر اور 6 سالہ وسیم شامل ہیں۔

اے آر وائی نیوز کے مطابق مکان کی چھت ایک عرصے سے مرمت نہ ہونے کے باعث بوسیدہ ہو چکی تھی جو رات گئے گھر میں سوئے ہوئے افراد پر آ گری، یہ واقعہ نیو پنڈ تھانے کی حدود کے علاقے بھوسہ لائن میں پیش آیا، حادثے کے بعد اہل علاقہ نے خود امدادی کارروائیاں انجام دیں، اور زخمیوں کو ملبے تلے سے نکال کر اسپتال پہنچایا۔

Comments

یہ بھی پڑھیں