The news is by your side.

Advertisement

کیلی فورنیا: سمندر کی خونی موجیں 3 جانیں نگل گئیں

کیلی فورنیا: امریکی ریاست کیلی فورنیا میں 3 افراد سمندر کی بے رحم لہروں کی نذر ہو کر جان کی بازی ہار گئے۔

تفصیلات کے مطابق جنوبی کیلی فورنیا میں بحر الکاہل کوسٹ ہائی وے کے قریب بے رحم لہریں سمندر کنارے پتھروں پر موجود تین افراد کو بہا کر لے گئیں۔

وینٹورا کاؤنٹی فائر ڈیپارٹمنٹ نے بتایا کہ لائف گارڈز نے سمندر میں ڈوبنے والے تینوں افراد کو ریسکیو آپریشن کے دوران بچا لیا، لیکن جسم پر شدید چوٹیں آنے کی وجہ سے تینوں افراد جانبر نہ ہوسکے۔حکام نے بتایا کہ مرنے والے تینوں افراد کی تاحال شناخت نہیں ہوسکی۔

وینٹورا کاؤنٹی حکام کے مطابق اس بات کی تحقیقات کی جا رہی ہے کہ مرنے والے افراد لہروں کی زد میں آنے سے پہلے حادثے کے مقام پر کیا کر رہے تھے۔

ڈبلیو ڈبلیو ای ریسلر کی لاش سمندر سے تین روز بعد برآمد

یاد رہے کہ گزشتہ ماہ ڈبلیو ڈبلیو ای کے اسٹار ریسلر شاڈ گیس پیارڈ کی لاش تین دن بعد سمندر سے برآمد کی گئی تھی وہ اپنے بیٹے کے ساتھ وینس بیچ پر نہانے کے دوران ڈوب گئے تھے اور ان کے بچے کو ریسکیو اہلکاروں نے بچالیا تھا۔

Comments

یہ بھی پڑھیں