The news is by your side.

Advertisement

پسند کی شادی پر تنازع،3 افراد ہلاک 5 زخمی

راجن پور : راجن پورمیں پسند کی شادی کرنے والے نوجوان کے گھر پر مخالفین نے حملہ کرکے 3 افراد کو ہلاک کردیا۔

تفصیلات کے مطابق راجن پور کے علاقے برسہ آباد کے رہائشی بلاول نے کچھ عرصہ قبل ہی اپنے علاقے کی خاتون آمنہ سے پسند کی شادی کی تھی جس پر مخالفین کے 25 مسلح افراد نے بلال کے گھر پر دھاوا بول کر اہل خانہ کو ہراساں کو کیا اور اندھا دھند فائرنگ کر دی۔

مسلح افراد کی فائرنگ کے باعث گھر میں موجود 8 افراد شدید زخمی ہو گئے جنہیں طبی امداد دینے کے لیے قریبی اسپتال منتقل کیا گیا تا ہم زخمیوں میں سے 3 افراد ناکافی سہولیات اور خون زیادہ بہہ جانے کے باعث راستے میں دم توڑ گئے

تعلقہ اسپتال راجن پور کی انتظامیہ کے مطابق اسپتال لائے گئے 8 افراد میں 3 افراد مردہ حالت میں اسپتال لائے گئے تھے جب کہ بقیہ 5 زخمی افراد کو طبی امداد دی جا رہی ہے جن میں سے ایک زخمی حالت کی نہایت تشویشناک ہے

پولیس حکام کے مطابق آمنہ نے کچھ عرصے قبل ہی بلاول سے پسند کی شادی کی تھی جس پر دونوں خاندانوں کے درمیان تنازع چلا آ رہا تھا اور آج مبینہ طور پر لڑکی والوں نے لڑکے بلال کے گھر حملہ کر کے 3 افراد کو ہللاک اور 5 کو زخمی کر دیا ہے۔

پولیس نے ابتدائی شوہد اکھٹے کر لیے ہیں اور لڑکی آمنہ کے گھر والوں کی تلاش میں چھاپے مار رہی ہے تا ہم اب تک کسی گرفتاری کی اطلاع نہیں ہے۔

Print Friendly, PDF & Email

Comments

comments

یہ بھی پڑھیں