The news is by your side.

Advertisement

کراچی : گھروں میں چوریاں کرنے والی ماسیوں کا گروہ پکڑا گیا

کراچی : ڈیفنس کے بنگلوں میں چوری کی وارداتیں کرنے والی 3ماسیاں پکڑی گئیں، ایک ملزمہ مالکن کے قتل میں بھی ملوث ہے۔ چار ملزمان کی تلاش جاری ہے۔

تفصیلات کے مطابق گذری پولیس نے ڈیفنس کے بنگلوں میں چوریوں کی متعدد وارداتیں کرنے والی ماسیوں کے3رکنی گروہ کو گرفتار کرلیا، گروہ کے7ملزمان فرار ہونے میں کامیاب ہوگئے جن کی تلاش میں چھاپہ مار کارروائیاں جاری ہیں۔

اس حوالے سے پولیس حکام نے اے آر وائی نیوز کو بتایا کہ گرفتار ہونے والی ماسیوں نے حال ہی میں گھر والوں کو نیند کی گولیاں کھلا کر ایک بنگلے میں چوری کی واردات کی ہے۔

پولیس کے مطابق گرفتار ہونے والوں میں ملزمہ شکیلہ، آسیہ زاہد اور شمیم عرف رانی شامل ہیں، ،ملزمہ کے قبضے سے نقدی، زیورات اور قیمتی کپڑے برآمد کرلیے گئے ہیں۔

گرفتار ملزمہ شکیلہ اور رانی نے سچل میں واقع ایک بنگلے میں چوری کی، نشہ آور مشروب مالکن کو پلایا جس سے وہ موقع پر ہی ہلاک ہوگئی، اس کے علاوہ ملزمہ مختلف علاقوں میں چوری کی وارداتوں میں ملوث بھی ہے۔

Comments

یہ بھی پڑھیں