The news is by your side.

Advertisement

امریکی سفارت خانے کی طرف مزید 3 راکٹ داغے گئے

بغداد: عراقی دارالحکومت بغداد کے گرین زون پر ایک بار پھر راکٹوں سے حملہ کیا گیا ہے، غیر ملکی خبر ایجنسی کا کہنا ہے کہ گرین زون پر راکٹ داغے گئے ہیں۔

عراقی سیکورٹی ذرایع کے حوالے سے میڈیا نے خبر دی ہے کہ گرین زون میں 3 راکٹ داغے گئے ہیں جو امریکی سفارت خانے کے قریب گرے، اس سے قبل بھی متعدد مرتبہ بغداد کے گرین زون میں امریکی سفارت خانے کی طرف راکٹ داغے جا چکے ہیں۔

عرب میڈیا کے مطابق گرین زون میں غیر ملکی مشنز اور سرکاری عمارتیں موجود ہیں، امریکی فوجی اڈہ بھی گرین زون میں امریکی سفارت خانے کے قریب واقع ہے۔

عراق کے شہر بغداد میں مزید 2 راکٹ حملے

نو جنوری کو بھی عراق میں رات کو دو راکٹ حملے ہوئے تھے، یہ راکٹ بغداد کے گرین زون میں گرے، اس حملے میں کسی جانی نقصان کی اطلاع نہیں تھی۔ اس سے قبل 4 جنوری کو بھی شمالی بغداد میں امریکی فوجی اڈے پر 2 راکٹ حملے ہوئے تھے، یہ راکٹ امریکی ایئر بیس کے اندر گرے تھے، جس سے خبر ایجنسی کے مطابق 5 افراد زخمی ہوئے۔ جس کے بعد علاقے میں امریکی ہیلی کاپٹروں کی پروازیں شروع ہو گئی تھیں۔ امریکی میڈیا کا کہنا تھا کہ راکٹ حملے امریکی فوجیوں پر کیے گئے تھے، راکٹ حملے کے بعد امریکی سفارت خانے کے داخلی راستے بند کر دیے گئے تھے۔

واضح رہے کہ ایرانی جنرل قاسم سلیمانی کی ڈرون حملے میں ہلاکت کے بعد بغداد میں موجود امریکی سفارت خانے اور ایئر بیس کو مسلسل راکٹوں کا نشانہ بنایا جا رہا ہے۔

fb-share-icon0
Tweet 20

Comments

comments

یہ بھی پڑھیں