تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

سرحد پر باڑ لگانے والی پاک فوج کی ٹیم پر افغان علاقے سے حملہ ، 3 جوان شہید،7 زخمی

راولپنڈی : شمالی وزیرستان میں سرحد پر باڑ لگانے والی پاک فوج کی ٹیم پر سرحدپار سے حملہ کے نتیجے میں پاک فوج کے 3 جوان شہید اور 7زخمی ہوگئے جبکہ جوابی کارروائی میں کئی دہشت گردمارےگئے۔

پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان میں سرحد پر باڑ لگانے والی پاک فوج کی ٹیم پر سرحد پار سے حملہ کیا گیا ، الوڑہ کےمقام پر 60 سے 70 دہشت گردوں نے افغانستان کی حدود سے حملہ کیا، پاک فوج نے مؤثر جوابی کارروائی کرکے حملہ آوروں کو پسپا کردیا۔

آئی ایس پی آر کا کہنا ہے پاک فوج کی جوابی کارروائی میں کئی دہشت گردمارےگئے جبکہ دہشت گردوں کی فائرنگ سے پاک فوج کے 3 جوان شہید اور 7 زخمی ہوگئے ، شہید جوانوں میں لانس نائیک علی، لانس نائیک نذیر اور سپاہی امداد اللہ شامل ہیں۔

ترجمان نے کہا پاکستان تمام تر رکاوٹوں کے باوجود باڑ لگانے کاعمل جاری رکھےگا، افغان فورسز اور حکام اپنی سرزمین پاکستان کیخلاف استعمال نہ ہونے دیں۔

آئی ایس پی آر کا کہنا تھا باڑ لگانے کا مقصد دہشت گردوں کی آمدورفت روکناہے، افغان فورسز کو سرحد پر باڑ لگانے سے متعلق تعاون کرناچاہیے، افغانستان دہشت گردوں کیخلاف لگائی جانے والی باڑ میں تعاون کرے۔

مزید پڑھیں : شمالی وزیرستان میں چیک پوسٹ کے قریب دھماکہ ، 3لیویز اہلکار شہید

خیال رہے پاک فوج کی ٹیم 2611 کلومیٹر سرحد پر پاک فوج ایک ہزار سے زائد کلومیٹر باڑ لگانے میں کامیاب ہوگئی ہے۔

یاد رہے 27 اپریل کو شمالی وزیرستان کے علاقے شیوا میں لیویز چیک پوسٹ کے قریب دھماکا ہوا تھا، جس میں 3 لیویز اہلکار شہید اور ایک زخمی ہوگیا تھا۔

ذرائع کا کہنا تھا بارودی مواد چیک پوسٹ کے قریب نصب کیا گیا تھا، دھماکے میں شہید اہلکاروں میں سے دو کی شناخت امیر زمان اور عبدالولی کے نام سے ہوئی تھی۔

Comments

- Advertisement -