تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

امریکا، چھت گرنے سے ڈانس پارٹی میں شریک 30 افراد زخمی

واشگنٹن: امریکی ریاست جنوبی کیرولینا میں چھت گرنے سے ڈانس پارٹی میں شریک 30 افراد زخمی ہوگئے۔

غیرملکی خبررساں ادارے کے مطابق امریکی ریاست جنوبی کیرولینا میں چھت گرنے سے ڈانس پارٹی میں شریک 30 افراد زخمی ہوگئے، ملبہ گرنے اور بھگدڑ مچنے سے زخمی ہونے والے افراد کو اسپتال منتقل کردیا گیا۔

حادثہ اس وقت پیش آیا جب عمارت میں موجود سلیمسن یونیورسٹی کے طلباء این سی اسٹیٹ کے خلاف رگبی میچ میں کامیابی کے بعد جشن منا رہے تھے۔

پولیس کے مطابق حادثہ اتوار کی صبح پیش آیا جب عمارت میں تقریب جاری تھی، عمارت کی پہلی منزل کی چھت  سے طلباء نیچے آگرے، حادثے کی تحقیقات شروع کردی گئی ہیں۔

طلباء کے دوست جیلن گرین کا کہنا ہے کہ جب حادثہ پیش آیا تو میں ایک طرف کھڑا تھا اور میں نے دیکھا کہ میرے تمام دوست ملبے کے نیچے دبے ہوئے تھے۔

عینی شاہدین کے مطابق چھت گرنے سے قبل وہاں موجود لوگ مشہور گانے پر رقص کررہے تھے جبکہ معمولی زخمی افراد نے اپنے دوستوں کو ملبے کے ڈھیر سے باہر نکالا۔

سلیم سن پولیس چیف نے حادثے میں 30 افراد کے زخمی ہونے کی تصدیق کی ہے، ان کا کہنا ہے کہ تمام زخمیوں کی حالت خطرے سے باہر ہے۔

مذکورہ کلب ہاؤس کے پراپرٹی مینجمنٹ کا کہنا ہے کہ عمارت 2004 میں تعمیر ہوئی تھی تاہم انہوں نے یہ نہیں بتایا کہ عمارت کے اندر کتنے افراد کے رہنے کی گنجائش تھی یا جب حادثہ پیش آیا تو وہاں زیادہ تعداد میں لوگ موجود تھے۔

Comments

- Advertisement -