The news is by your side.

Advertisement

پاکستان میں 3 کروڑ سے زائد کرونا ویکسینز ایکسپائر ہونے کا خدشہ

اسلام آباد: پاکستان میں 3 کروڑ سے زائد کرونا ویکسینز ایکسپائر ہونے کا خدشہ پیدا ہو گیا ہے۔

تفصیلات کے مطابق پاکستان میں اگست تک کرونا کی 3 کروڑ سے زائد ویکسینز ایکسپائر ہونے کا خدشہ سامنے آیا ہے، حکام کا کہنا ہے کہ اگست کے آخر تک ایکسپائر ہونے والی ویکسینز میں امریکی موڈرنا اور فائزر ویکسینز شامل ہیں۔

حکام کے مطابق پیر سے پورے ملک میں کرونا ویکسین کے بوسٹر ڈوز لگانے کی مہم شروع کی جا رہی ہے، اب تک پاکستان میں 12 کروڑ افراد نے کرونا ویکسین مکمل طور پر لگائی ہوئی ہے، جب کہ پورے ملک میں صرف 9 لاکھ افراد نے کرونا ویکسین کا پہلا بوسٹر ڈوز لگوایا ہے۔

رپورٹس کے مطابق پاکستان میں نصف آبادی کی کرونا ویکسینیشن مکمل ہو چکی ہے، ویکسینیشن کے حوالے سے سندھ پہلے اور اسلام آباد دوسرے نمبر پر ہے، سندھ کی 98 فی صد اور اسلام آباد کی 90 فی صد اہل آبادی کی کرونا ویکسینیشن ہو چکی ہے۔

پاکستان میں نصف آبادی کی کرونا ویکسینیشن کامیابی سے مکمل

پنجاب کی 86، کے پی کی 63 فی صد، اور بلوچستان کی 59 فی صد اہل آبادی کی ویکسینیشن ہو چکی ہے، جب کہ آزاد کشمیر 67 فی صد اور گلگت بلتستان کی 53 فی صد اہل آبادی کی ویکسینیشن مکمل ہوگئی ہے۔

ملک کے 14 کروڑ 31 لاکھ 9050 شہری کرونا ویکسینیشن کے اہل ہیں، جن میں 11 کروڑ 96 لاکھ 13 ہزار 644 شہریوں کو 2 ویکسین ڈوز اور 1 کروڑ 13 لاکھ 2 ہزار 443 افراد کو ایک کرونا ویکسین ڈوز لگ چکی ہے، جب کہ 13 کروڑ 91 لاکھ 6 ہزار 87 شہریوں کی مکمل ویکسینیشن ہو چکی ہے۔

Comments

یہ بھی پڑھیں