The news is by your side.

Advertisement

کیا خواتین بغیر محرم حج وعمرہ ادا کرسکتی ہیں؟

جدہ: خواتین کے حج وعمرے سے متعلق اہم ترین اعلان کردیا گیا ہے۔

تفصیلات کے مطابق سعودی وزارت حج وعمرہ کی جانب سے جاری بیان میں کہا گیا ہے کہ اب خواتین محرم کے بغیر عمرہ ویزا حاصل کر سکتی ہیں۔

وزات حج وعمرہ کی جانب سے واضح کیا گیا کہ وہ خواتین جن کے عمر 45 سال سے زائد ہیں وہ ویزا حاصل کرنے کی اہل ہیں، حجاز مقدس پہنچنے پر مقامی ایجنٹ کو خواتین کا گروپ بنانا لازمی ہوگا۔

سعودی وزارت حج وعمرہ کی جانب سے واضح کیا کہ 45 سے کم عمر خواتین کے لئے محرم لازم ہے، اس میں کوئی تبدیلی نہیں کی گئی ہے۔

واضح رہے کہ سعودی حکومت عمرہ کے حوالے سے بعض پابندیاں ختم کرچکی ہے، اب مملکت آنے سے قبل پی سی آر ٹیسٹ کی رپورٹ پیش کرنے اور ہوٹل قرنطینہ کی پابندی نہیں ہوگی۔

یہ بھی پڑھیں: سعودی عرب : گداگروں کیخلاف سخت سزاؤں کا اعلان

اس کے ساتھ ساتھ سماجی فاصلے کی پابندی بھی ختم کی جاچکی جبکہ مسجد الحرام اور مسجد نبوی ﷺ میں نماز کیلئے اجازت ناموں کا حصول بھی اب ضروری نہیں رہا۔

سعودی حکومت بیرون مملکت سے عمرہ، مسجد الحرام اور مسجد نبوی ﷺ کی زیارت کیلئے نئے ضوابط بھی جاری کرچکی، جس کے تحت بیرون مملکت سے آنے والے عمرہ زائرین کو آن لائن ویزا حاصل کرنا ہوگا، آن لائن عمرہ ویزا میڈیکل انشورنس ہولڈر کو دیا جائے گا، انشورنس اسکیم میں کرونا وائرس سے متاثر ہونے کی صورت میں علاج معالجے کی سہولتیں مہیا ہونا ضروری ہیں۔

Comments

یہ بھی پڑھیں