The news is by your side.

Advertisement

انگلش کاؤنٹی میں پاک بھارت جوڑی کا چرچا، تصویر سوشل میڈیا پر چھا گئی

لندن: انگش کاؤنٹی میں پاک بھارت جوڑی کی شراکت توجہ کا مرکز بن گئی، تصویر پر سوشل میڈیا صارفین کی جانب سے دلچسپ تبصروں کی بھرمار ہے۔

میڈیا رپورٹ کے مطابق دونوں کرکٹرز سسیکس کی جانب سے کھیل رہے ہیں، گذشتہ روز ڈرہم کے خلاف میچ کے دوسرے روز آخری سیشن میں پاکستانی کرکٹ اسٹار محمد رضوان نے سنچری میکر بھارتی بلے باز چتیشور پجارا کو جوائن کیا تو اس دوران لی گئی تصاویر سوشل میڈیا پر وائرل ہوگئیں۔

کھیل ختم ہونے تک چتیشور پجارا 128 جبکہ محمد رضوان 5 پر ناٹ آؤٹ تھے،پاک بھارت جوڑی کی تصویر سوشل میڈیا پر وائرل ہوئی تو پاکستان اور بھارت کے سوشل میڈیا صارفین کی بڑی تعداد نے دلچسپ تبصرے بھی کیے۔

سسکیس نے ٹریوس ہیڈ کی خدمات حاصل کی تھی لیکن گزشتہ ماہ ہیڈ نے انٹرنیشنل ذمے داریوں کے سبب ڈربی شائر کی نمائندگی سے معذرت کر لی تھی اور ڈربی شائر نے ان کی جگہ پجارا کی خدمات حاصل کی تھیں۔

چونتیس سالہ بھارتی بلے باز 95 ٹیسٹ میچوں میں 44 کی اوسط سے 6 ہزار 713 رنز بنا چکے ہیں جبکہ انتیس سالہ محمد رضوان ٹیسٹ کرکٹ میں 43 کی اوسط سے رنز بنانے کے ساتھ ساتھ ٹی20 اور ون ڈے میں بھی بہترین کھیل پیش کر رہے ہیں۔

سسیکس کے ہیڈ کوچ آئن سیلسبری کا کہنا ہے کہ میں رضوان اور پجارا جیسے معیار کے کھلاڑیوں کا اپنی ٹیم کا حصہ بننے پر بہت پرجوش ہوں۔

https://twitter.com/HamzaKhan259/status/1520077703210225665?s=20&t=1X7hA1Ntus06NGalgpS6Fw

Comments

یہ بھی پڑھیں