The news is by your side.

Advertisement

کابل،ڈرون حملوں میں داعش کے 34 جنگجو ہلاک

کابل : افغانستان میں دو مختلف مقامات میں ڈرون حملوں میں داعش کے 34 جنگجو ہلاک ہو گئے ہیں۔

افغان میڈیا کے مطابق ڈرون حملے ننگرہار اور صوبہ نازیان میں کیے گئے جس کے نتیجے میں داعش کے اہم کمانڈر سمیت 34 جنگجو ہلاک ہو گئے ہیں۔

ذرائع کے مطابق کے پہلا ڈرون حملہ صوبہ ننگر ہار کے علاقے ہارون بابا اور دوسرا صوبہ نازیان میں کیا گیا، ان ڈرون حملوں میں داعش کے 34 کارندے مارے گئے،جن میں غیرملکی جنگجو بھی شامل ہیں۔

اسی سے متعلق : طالبان نے افغان نیشنل آرمی کا ہیلی کاپٹر مار گرایا

افغان نیوز ایجنسی کے مطابق یہ حملہ اچین ضلع میں 9 داعش کارندوں کی ہلاکت کے ایک ہی روز بعد کیا گیا ہے,افغان حکومت اپنی سرزمین سے ایک ایک دہشت گرد کے خاتمے تک فضائی کارروائی سمیت ہر قسم کی جنگی مہمات جاری رکھے گی۔

واضح رہے کہ افغانستان کا صوبہ ننگر ہار ان علاقوں میں شامل ہیں جہاں مقامی طالبان کا غلبہ ہے اور داعش کے کارندے بھی وہاں کارروائیاں کرتے رہتے ہیں کچھ عرصے یہ دونوں گروہ آپس میں نبرد آزما بھی ہیں۔

یاد رہے کہ آج افغانستان کے علاقہ بغلان میں طالبان کی جانب سے افغان آرمی کا ہیلی کاپٹر گرانے کا دعوی سامنا آیا ہے جب کہ افغان وزراتِ دفاع کا کہنا ہے کہ ہیلی کاپٹر فنی خرابیوں کے باعث گر کر تباہ ہوا تھا۔

 

Comments

comments

یہ بھی پڑھیں