The news is by your side.

Advertisement

پنجاب میں کرونا وائرس کے مزید 35 کیسز سامنے آگئے

لاہور: صوبہ پنجاب میں کرونا وائرس کے مزید 35 کیسز سامنے آگئے، ملک میں اب تک کرونا کے مصدقہ کیسز کی تعداد 8 ہزار سے تجاوز کرچکی ہے۔

تفصیلات کے مطابق ترجمان پرائمری اینڈ سیکنڈری ہیلتھ پنجاب کا کہنا ہے کہ پنجاب سے کرونا وائرس کے مزید 35 کیسز سامنے آگئے جس کے بعد پنجاب میں کرونا کیسز کی تعداد 3 ہزار 721 ہوگئی۔

ترجمان کا کہنا تھا کہ قرنطینہ مراکز میں 701، رائے ونڈ میں 15 سو 40 افراد میں کرونا کی تصدیق ہوئی۔ علاوہ ازیں 94 قیدیوں اور 13 سو 86 شہریوں میں کرونا وائرس کی تصدیق ہوئی ہے۔

ترجمان کے مطابق کیمپ جیل لاہور میں 59، سیالکوٹ میں 14، گوجرانوالہ میں 7، ڈی جی خان میں 9، بھکر میں 2، فیصل آباد، قصور اور بھکر میں 1، 1 قیدی کرونا وائرس کا شکار ہے۔

خیال رہے کہ نیشنل کمانڈ اینڈ آپریشن سینٹر کے مطابق ملک میں گزشتہ 24 گھنٹوں کے دوران کرونا وائرس کے 425 نئے کیسز رپورٹ ہوئے جس کے بعد ملک میں وائرس سے متاثر ہونے والے افراد کی تعداد 8 ہزار 418 ہوگئی ہے۔

این سی او سی کا کہنا ہے کہ پاکستان میں کرونا کے 6 ہزار 272 مریض زیر علاج ہیں جبکہ اب تک اس وائرس سے متاثر ہونے والے 19 سو 70 افراد صحت یاب ہو چکے ہیں۔

ملک میں 24 گھنٹوں کے دوران کرونا کے 4 ہزار 873 ٹیسٹ کیے گئے ہیں جبکہ مجموعی طور پر اب تک 1 لاکھ 4 ہزار 302 ٹیسٹ کیے جا چکے ہیں۔

Comments

یہ بھی پڑھیں