The news is by your side.

Advertisement

انگریزی میں 35، ریاضی میں 36: بیوروکریٹ کی مارک شیٹ وائرل

بھارت میں اکثر عجیب و غریب واقعات پیش آتے رہتے ہیں جس کی خبریں سوشل میڈیا کی زینت بن جاتی ہیں۔

ایسی ہی ایک خبر بھارتی ریاست گجرات سے سامنے آئی ہے جہاں ایک ایسا ڈسٹرکٹ کلیکٹر بھی موجود ہے جس نے اپنے میٹرک امتحانات میں انگریزی میں 35 اور ریاضی میں صرف 36 نمبرز لیے تھے۔

بھارت کی ایڈمنسٹریٹو سروس کے افسر تشار ڈی سمیرا کی میٹرک کی مارکس شیٹ ایک ٹوئٹر صارف نے سوشل میڈیا پر شیئر کی۔

اس مارک شیٹ کو شیئر کرنے کا مقصد حال ہی میں ہوئے میٹرک امتحانات میں کم نمبر لانے والے طلبہ کی حوصلہ افزائی کرنا تھا۔

مارکس شیٹ شیئر کرتے افسر نے کہا کہ سمیرا کے نمبر نہ صرف اسکول میں بلکہ پورے گاؤں میں سب سے کم تھے۔

واضح رہے کہ جس نے یہ مارک شیٹ اپلوڈ کی ہے وہ خود بھی بھارتی ایڈمنسٹریٹو سروس کے افسر ہیں۔

Comments

یہ بھی پڑھیں