جماعت الدعوۃ: 35 رہنماؤں کے نام ای سی ایل میں شامل exit control list
The news is by your side.

Advertisement

جماعت الدعوۃ: 35 رہنماؤں کے نام ای سی ایل میں شامل

اسلام آباد: وفاقی حکومت نے جماعت الدعوۃ کے خلاف مزید کارروائی کرتے ہوئے 35 رہنماؤں کے نام ایگزٹ کنٹرول لسٹ میں ڈال دیے۔

تفصیلات کے مطابق وزارت داخلہ نے جماعت الدعوۃ کے رہنما حافظ سعید سمیت پانچ رہنماؤں کو نظر بندکیا،چھ ماہ کے لیے جماعت الدعوۃ اور اس کے امدادی ادارے فلاح انسانیت فاؤنڈیشن کو واچ لسٹ میں ڈالا، دونوں تنظیموں کے اثاثے منجمد کیے اور اب جماعت الدعوۃ کے 35 رہنماؤں کے ملک سے باہر جانے پر پابندی عائد کردی گئی ہے۔

اے آر وائی نیوز کے نمائندہ اسلام آباد ذوالقرنین حیدر نے بتایا کہ وفاقی حکومت کی جانب سے جماعت الدعوۃ کے خلاف کارروائیوں کا سلسلہ جاری ہے،اب جماعت الدعوۃ کے 35 سرکردہ رہنماؤں کے نام ای سی ایل (ایگزٹ کنٹرول لسٹ) میں ڈال دیے گئے ہیں۔

انہوں نے بتایا کہ وزارت داخلہ نے اس حوالے سے ایف آئی اے کو ہدایت جاری کردی ہیں، ان 35 افراد کے نام پاسپورٹس اور شناختی کارڈز بھی بلاک کردیے گئے ہیں ساتھ ہی ان کے اثاثوں کے حوالے سے بھی تحقیقات کی جارہی ہیں۔

مزید اطلاعات ہیں کہ ان افراد کے بھی اثاثے منجمد کیے جاسکتے ہیں جب کہ مرکزی رہنما سمیت جماعت الدعوۃ اور فلاح انسانیت فاؤنڈیشن کے اثاثے پہلے ہی منجمد کیے جاچکے ہیں ۔

Comments

comments

یہ بھی پڑھیں