The news is by your side.

Advertisement

پاک فوج کے زیراہتمام تیسرے بین الاقوامی پیسیز مقابلوں کا آغاز یکم نومبر سے ہوگا

راولپنڈی: پاک فوج کے زیراہتمام تیسرے بین الاقوامی پیسیز مقابلوں کا آغاز یکم نومبر سے لاہور میں ہوگا، مقابلوں میں 6 ممالک کے 107 اہلکاروں پر مشتمل دستے شریک ہوں گے۔

تفصیلات کے مطابق پاکستانی فوج کے شعبہ تعلقات عامہ (آئی ایس پی آر) کی جانب سے بیان میں کہا گیا ہے کہ تیسرے بین الاقوامی پیسیز مقابلے لاہورمیں منعقد ہوں گے ، پاک فوج کےزیراہتمام مقابلےیکم سے7نومبرتک منعقد کیےجائیں گے۔

آئی ایس پی آر نے کہا کہ مقابلوں میں 6 ممالک کے 107 اہلکاروں پر مشتمل دستے شریک ہوں گے ، عراق،اردن،فلسطین،سری لنکا، ازبکستان اور یو اے ای ، انڈونیشیا، مصراور میانمارمبصر کی حیثیت سے شرکت کریں گے۔

پاک فوج کے 121کھلاڑیوں پر مشتمل9 ٹیمیں شرکت کریں گی جبکہ اردن ، سری لنکا،فلسطین اور یواے ای کی ٹیمیں لاہور پہنچ گئیں۔

ترجمان کے مطابق افتتاحی تقریب فورٹریس اور اختتامی تقریب ایوب اسٹیڈیم میں ہوگی، پہلے دو مقابلے 2016 اور 2018 میں لاہور میں منعقدہوئے تھے۔

آئی ایس پی آر کا کہنا تھا کہ مقابلےاجاگرکرتےہیں پاکستانی پرامن ،کھیلوں سےمحبت کرنے والی قوم ہے، مقابلے ملک کا اصل چہرہ دنیا کے سامنے اجاگر کریں گے۔

Comments

یہ بھی پڑھیں