The news is by your side.

Advertisement

اوکاڑہ: بائی پاس کے قریب دھند کےباعث ٹریفک حادثے میں 4 افراد جاں بحق

اوکاڑہ : صوبہ پنجاب کے شہر اوکاڑہ میں بائی پاس کے قریب دھند کے باعث پیش آنے والے ٹریفک حادثے میں 4 افراد جاں بحق اور 25 زخمی ہوگئے۔

تفصیلات کے مطابق اوکاڑہ کے قریب بائی پاس کے قریب دھند کے باعث 5 گاڑیاں آپس میں ٹکرا گئیں جس کے نتیجے میں 4 افراد جان کی بازی ہار گئے جبکہ 25 افراد زخمی ہیں۔

ریسکیو ذرائع کے مطابق حادثے میں زخمی ہونے والے افراد کو طبی امداد کے لیے اسپتال منتقل کردیا گیا ہے۔

اس سے قبل رواں ماہ 8 دسمبر کو دھند کے باعث شیخوپورہ میں سرگودھا روڈ پر آئل ٹینکر اور رکشہ میں تصادم کے باعث میاں بیوی سمیت 4 افراد جاں بحق اور 3 شدید زخمی ہوگئے تھے۔

چیچہ وطنی میں 8 دسمبر کے روز کوچ اور آئل ٹینکر میں تصادم کے نتیجے میں 2 خواتین سمیت 3 افراد جاں بحق اور 18 زخمی ہوگئے تھے۔

پنجاب کے مختلف شہروں میں دھند کا راج

واضح رہے کہ صوبہ پنجاب کے مختلف شہر شدید دھند کی لپیٹ میں ہیں اور حد نگاہ کم ہونے کے باعث موٹروے کے کئی سیکشنز گاڑیوں کی آمدورفت کے لیے بند کردیے گئے۔

Comments

comments

یہ بھی پڑھیں