کوئٹہ: کوئلے کی کان میں دھماکا، چار مزدور جاں بحق: Quetta:Blast: 4 dead
The news is by your side.

Advertisement

کوئٹہ: کوئلے کی کان میں دھماکا، چار مزدور جاں بحق

کوئٹہ: بلوچستان کے دارالحکومت کوئٹہ کے نواحی علاقے مارواڑ میں کوئلے کی کان دھماکا ہو ا جس کے نتیجے میں چار مزدور جاں بحق ہوگئے جبکہ 14 مزدور اب بھی کان میں پھنسے ہیں۔

تفصیلات کے مطابق کوئلے کی کان میں گیس بھرنے سے دھماکا ہوا، دھماکے کے بعد چار مزدوروں کی لاشیں نکال لی گئیں ہیں جبکہ 14 مزدور اب بھی کان میں پھنسے ہیں۔

ریسکیو اہکاروں کی جانب سے امدادی آپریشن جاری ہے، اور کان میں پھنسے دیگر افراد کو باحفاظت نکالنے کے لیے بھی بھرپور اقدامات کیے جارہے ہیں۔

دوسری جانب نگراں وزیراعلیٰ بلوچستان علاء الدین مری کا واقعے میں قیمتی جانوں کے نقصان پر اظہار افسوس کرتے ہوئے کہنا تھا کہ مزدوروں کو بحفاظت نکالنے کے لیے اقدامات کیے جائیں۔


مارواڑ میں کوئلے کی کانوں میں گیس دھماکا، اٹھارہ کان کن جاں بحق، آصف زرداری کا اظہار افسوس


ان کا یہ بھی کہنا تھا کہ امدادی سرگرمیاں مزید تیز کی جائیں، دریں اثنا نگراں وزیراعلیٰ بلوچستان نے جاں بحق مزدوروں کے لواحقین سے تعزیت بھی کی۔

خیال رہے کہ گذشتہ ماہ بھی بلوچستان کے نواحی علاقے مارواڑ میں کوئلے کی کانوں میں گیس دھماکے کے نتیجے میں دو حادثات میں اٹھارہ کان کن جاں بحق اور سولہ زخمی ہوگئے تھے۔

واضح رہے کہ مارواڑ کی کانوں میں آئے روز اس طرح کے حادثات رونما ہوتے رہتے ہیں۔ بلوچستان میں دیگر صنعتیں نہ ہونے کی وجہ سے کوئلہ کی کان کنی یہاں کی ایک بڑی صنعت ہے۔ یہاں کے متعدد اضلاع لورالائی، کچھی، ہرنائی اور کوئٹہ کے پہاڑی علاقوں میں بڑی تعداد میں کوئلہ کی کانیں ہیں جن میں لوگوں کی ایک بڑی تعداد کام کرتی ہے۔

Comments

comments

یہ بھی پڑھیں