The news is by your side.

Advertisement

بھارت : دوستوں نے نوجوان کے ٹکڑے کرکے گڑھے میں پھینک دیا

میرٹھ: بھارتی ریاست اتر پردیش میں چار شقی القلب دوستوں نے ایک دوست کو ٹکڑے ٹکڑے کر کے پھینک دیا۔

بھارتی میڈیا کے مطابق بھارتی شہر میرٹھ کے علاقے کنکر کھیڑا میں چار دوستوں نے اپنے ہی دوست کو گھر سے لے جا کر پرانی رنجش کی وجہ سے جان سے مار دیا اور پھر اس کی لاش کے ٹکڑے ٹکڑے کر کے اسے گڑھے میں پھینک دیا۔

رپورٹس کے مطابق آئی ٹی کا طالب علم رُوپک چار دن سے لاپتا تھا، اس کے اہل خانہ نے کنکرکھیڑا تھانے میں اس کی گم شدگی کی رپورٹ درج کرا دی، اہل خانہ نے پولیس کو بتایا کہ روپک کو چار روز قبل 4 دوست گھر سے لے گئے تھے جس کے بعد وہ واپس نہیں آیا۔

لاپتا طالب عالم کے اہل خانہ نے پولیس کو بتایا کہ انھیں روپک کے چار دوستوں ساگر، وکاس، اروند گڈو اور موہن پر شک ہے، جس پر پولیس نے چاروں کو حراست میں لے کر پوچھ گچھ کی۔

بھارت میں انسانیت مرگئی، وحشی لڑکے کی درندگی، نوجوان کو تڑپا تڑپا کر مار دیا

پولیس تفتیش کے دوران ملزمان نے یہ سنسنی خیز انکشاف کیا کہ انھوں نے ایک پرانی رنجش پر روپک کا قتل کیا، ثبوت مٹانے اور اس کی لاش ٹھکانے لگانے کے لیے انھوں نے مل کر اس کے ٹکڑے ٹکڑے کر دیے، اور اس کے بعد جٹولا گاؤں میں کنوئیں کے لیے کھودے گئے ایک گڑھے میں پھینک دیا۔

ملزمان کے قتل کے اعتراف کے بعد پولیس نے طالب عمل روپک کی لاش کے ٹکڑوں کی تلاش شروع کر دی ہے، اس سلسلے میں بتائی گئی جگہ پر کھدائی بھی کی گئی، تاہم پولیس کا کہنا ہے کہ ٹکڑے نہیں مل سکے ہیں۔

Comments

یہ بھی پڑھیں