The news is by your side.

لیاری ایکسپریس وے سے کار نیجے جا گری، چار مسافر جاں بحق

کراچی : لیاری ایکسپریس وے پر گارڈن کے قریب کار پل سے نیچے گر گئی جس کے نتیجے میں گاڑی میں سوار چاروں افراد جاں بحق ہو گئے۔

تفصیلات کے مطابق لیاری ایکسپریس وے پر گارڈن میں اترنے والے ٹریک سے تیز رفتار گاڑی بے قابو ہوکر پُل سے نیچے جا گری جس کے نتیجے میں گاڑی مکمل طور پر تباہ ہو گئی اور گاڑی میں سوار میں چاروں افراد لقمہ اجل بن گئے۔

ریسکیو اداروں نے جائے وقوعہ پر پہنچ کر امدادی کاموں کا آغاز کردیا اور چاروں افراد کو گاڑی سے نکال کر قریبی اسپتال منتقل کردیا گیا ہے جب کہ قانون نافذ کرنے والے ادارے گاڑی کے ملبے کو اُٹھانے کا انتظام کر رہے ہیں۔

پولیس کا کہنا ہے کہ ابتدائی طور پر حادثے کی وجہ کا تعین کرنا مشکل نظر آتا ہے تاہم خیلا ظاہر کیا جا رہا ہے کہ کار تیز رفتاری کے باعث ڈرائیور سے بے قابو ہو گئی اور لیاری ایکسپریس وے سے نیچے جا گری اور حادثے کا شکار ہو گی۔

پولیس کا کہنا ہے کہ گاڑی کے کاغذات اور جاں بحق افراد کی جیبوں سے ملنے والے شناختی کارڈ و دیگر کاغذات کی مدد سے لواحقین سے رابطہ کرکے حادثے کی اطلاع دے دی گئی ہے۔

Print Friendly, PDF & Email

Comments

comments

یہ بھی پڑھیں