The news is by your side.

Advertisement

لاہور میں حادثاتی موت، پوسٹ مارٹم کے بعد قتل کی واردات نکلی

لاہور: پنجاب کے دار الحکومت میں جھلس کر جاں بحق ہونے والے میاں بیوی سمیت دو بچوں کی پوسٹ مارٹم رپورٹ سامنے آگئی، جس کے تحت اموت حادثاتی نہیں بلکہ قتل کیا گیا ہے۔

تفصیلات کے مطابق گذشتہ دنوں واپڈا ٹاؤن کے مکان میں آگ لگنے سے میاں بیوی سمیت دو بچے جھلس کر جاں بحق ہو گئے تھے جس کے بعد پولیس نے واقعہ کو حادثہ قراردیا تھا، البتہ پوسٹ مارٹم رپورٹ نے پولیس کی تفتیش کا رخ ہی بدل دیا۔

رپورٹ کےمطابق میاں بیوی کا تیز دھار آلے سے گلا کاٹا گیا جبکہ بچوں کو گلا دبا کر مارا گیا، بعد میں مکان کو آگ لگا کر حادثہ ظاہر کرنے کی کوشش کی گئی، تاہم اب پولیس نے تفتیش مزید تیز کرتے ہوئے مفرور مکان مالک سمیت قتل میں ملوث چار افراد کو تلاش کر رہی ہے۔

لاہور: گھرمیں آگ لگنے سے 4 افراد جاں بحق

خیال رہے کہ گذشتہ دنوں گھر میں جھلس کر جاں بحق ہونے والے افراد کی لاش سٹرک پر رکھ کر لواحقین نے احتجاج کیا تھا جس کے بعد پوسٹ مارٹم کیا گیا، پولیس نے کیس کو حادثاتی قرار دے کر بند کرنے کی کوشش کی تھی لیکن رپورٹ آنے کے بعد پولیس مالک مکان سمیت دیگر ملزمان کو تلاش کررہی ہے۔

لاہور: گھرمیں آتشزدگی‘3افراد جاں بحق

یاد رہے کہ جھلس کر جاں بحق ہونے والے افراد گرین ٹاؤن کے رہائشی تھے جن میں 30 سالہ سرفراز اور اس کی 30 سالہ بیوی صبا، 5 سالہ بیٹی آمنہ اور ڈھائی سالہ بیٹا احمد شامل ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں