site
stats
پاکستان

فوجی عدالتوں سے سزائے موت پانے والے مزید 4دہشت گردوں کو پھانسی

راولپنڈی : فوجی عدالتوں سے سزائے موت پانے والے مزید 4دہشت گردوں کو پھانسی دیدی گئی۔

دہشتگردی میں ملوث چار مجرمان اپنے انجام کو پہنچ گئے، آئی ایس پی آر کے مطابق فوجی عدالتوں سے سزائے موت پانے والے مزید 4دہشت گردوں کو مختلف جیلوں میں آج صبح پھانسی دی گئی ، پھانسی پانے والوں میں برکت علی ولد عبدالغفور ، محمد عادل ولد محمد اکبر جان ، اسحاق ولد عبدالحئی اور لطیف الرحمان ولد سیف الرحمان شامل ہیں۔

آئی ایس پی آر کے ایک ترجمان کے مطابق چاروں دہشت گرد سکیورٹی فورسز اور قانون نافذ کرنے والے اداروں کے اہلکاروں کے اغواء اور عام شہریوں پر حملوں اور ان کو شہید کرنے کے واقعات سمیت مختلف سنگین نوعیت کے واقعات میں ملوث پائے گئے تھے۔

چاروں دہشت گردوں کا تعلق کالعدم تحریک طالبان سے تھا۔


مزید پڑھیں : فوجی عدالتوں سے سزائے موت پانے والے 4مزید دہشت گردوں کو پھانسی دیدی گئی


چاروں دہشت گردوں پر فوجی عدالتوں میں مقدمات چلائے گئے جہاں دوران سماعت دہشتگردوں نے مجسٹریٹ کے سامنے اپنے جرائم کا اعتراف کیا تھا، جس کے بعد ان کو سزائے موت سنائی گئی تھی۔

یاد رہے گذشتہ ماہ بھی  فوجی عدالتوں سے سزائے موت پانے والے چار مزید دہشت گردوں کو پھانسی دی گئی تھی، جن چار ہدشت گردوں کی سزائے موت پر عملدرآمد کیا گیا ، ان میں رحمان الدین ولد معمبر ، مشتاق خان ولد عمر سلیم ، عبیدالرحمان ولد فضل ھادی اور ظفر اقبال ولد محمد خان شامل تھے۔


مزید پڑھیں : فوجی عدالتوں سے سزا پانے والے 5 دہشت گردوں کو پھانسی


چاروں دہشت گرد دہشت گردی کے سنگین واقعات میں ملوث تھے ، انہوں نے بے گناہ شہرہوں سمیت سکیورٹی فورسز اور قانون نافذ کرنے والے اداروں کے اہلکاروں پر حملے کرکے ان کا خون بہایا اور سرکاری اور نجی املاک کو نقصان پہنچایا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top