رحیم یار خان: پنجاب کے شہر رحیم یار خان میں غیرت کے نام پر 4 خواتین کو قتل کردیا گیا۔
اے آر وائی نیوز کے مطابق رحیم یار خان میں کاروکاری کے الزام میں 4 خواتین کو قتل اور ایک زخمی کردیا گیا، پولیس کا کہنا ہے کہ شوہر نے بیوی اور تین بیٹیوں سمیت 4 خواتین کو قتل کیا۔
ترجمان پولیس کا کہنا ہے کہ زخمی خاتون کو تشویش ناک حالت میں اسپتال منتقل کردیا گیا ہے۔
پولیس کے مطابق واقعے کی اطلاع ملتے ہی پولیس اور ریسکیو کی ٹیمیں جائے وقوعہ پر پہنچ گئیں، مقتولین کی لاشوں کو ضابطے کی کارروائی کے لیے اسپتال منتقل کردیا گیا ہے۔
پولیس کا کہنا ہے کہ واقعہ تھانہ کوٹسمابہ کی حدود مو مبارک روڈ پر پیش آیا، پولیس نے خواتین کے قتل میں ملوث 2 افراد کو گرفتار کرلیا۔
ذرائع کا کہنا ہے کہ فوری طور پر قتل کی جانے والی خواتین کی شناخت نہیں ہوسکی، ترجمان پولیس کا کہنا ہے کہ واقعے کی مزید تحقیقات جاری ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں