شارجہ: متحدہ عرب امارات کے شہر شارجہ کے نجی اسکول میں سوئمنگ پول میں ڈوب کر 4 سالہ طالب علم جاں بحق ہوگیا۔
عرب میڈیا کے مطابق شارجہ کے نجی اسکول کے سوئمنگ پول میں ڈوب کر 4 سالہ بچہ جاں بحق ہوگیا، بچے کو فوری طور پر القاسمی اسپتال منتقل کیا گیا تاہم وہ جانبر نہ ہوسکا۔
پولیس کے مطابق بدھ کی صبح 10:30 بجے کال موصول ہوئی، ایمبولینس اور پولیس ٹیم اسکول پہنچی اور بچے کو اسپتال منتقل کیا۔
انتظامیہ کی جانب سے 4 سالہ طالب علم کے ڈوبنے کے حوالے کوئی تفصیل نہیں بتائی گئی کہ بچہ کس طرح سوئمنگ پول میں ڈوبا تاہم پولیس کی جانب سے تحقیقات کا آغاز کردیا گیا ہے۔
پولیس کی جانب سے بچے کی شناخت اور دیگر تفصیلات ظاہر نہیں کی گئی ہیں۔
مزید پڑھیں: دبئی کے سوئمنگ پول میں 2 بچے ڈوب کر جاں بحق
واضح رہے کہ رواں برس جون میں دو بچے اس وقت سوئمنگ پول میں ڈوب کر جاں بحق ہوگئے تھے جب والدین افطاری کرنے میں مصروف تھے۔
دبئی پولیس کا کہنا ہے کہ اسکول انتظامیہ بچوں پر نظر رکھے، بچوں کو اس عمر میں علم نہیں ہوتا کہ وہ کیا کررہے ہیں، سوئمنگ پول بچوں کی زندگی کے لیے بہت خطرناک ہیں۔
