The news is by your side.

Advertisement

کراچی : یونیورسٹی روڈ پر خوفناک ٹریفک حادثہ ، 4 نوجوان جاں بحق

کراچی : یونیورسٹی روڈ پر خوفناک ٹریفک حادثے میں چار نوجوان جاں بحق ہوگئے ، چاروں دوست کھانا کھانے گلستان جوہرجارہے تھے کہ تیز رفتار کار موٹرسائیکل سوارکو بچاتے ہوئے بے قابو ہوکرالٹ گئی۔

تفصیلات کے مطابق کراچی میں یونیورسٹی روڈ پر تیز رفتارکار موٹر سائیکل سوار کو بچانے کی کوشش میں الٹ گئی، حادثے کے نتیجے میں گاڑی کے پر خچے اڑ گئے اور اس میں سوار چار افراد جاں بحق ہوگئے۔

ٹکراتنی شدید تھی کہ گاڑی کا انجن نکل کر دور جا پڑا اور گاڑی ٹکڑوں میں بٹ گئی، جاں بحق ہونے والوں میں محمد اسد، تیمور، روحان اور رمیز شامل ہیں ، چاروں دوست گلستان جوہر کھانا کھانے کیلئے جارہے تھے۔

یونیورسٹی روڈ حادثے میں جاں بحق نوجوانوں کی میتیں ایدھی سردخانےمیں موجود ہیں ، جاں بحق نوجوان تیمورکی لاش لینے کے لیے رشتہ دارپہنچ گیا جبکہ دیگر لواحقین میتیں لینے کچھ دیر میں سرد خانے پہنچیں گے ، جاں بحق نوجوانوں کی نمازجنازہ بعدنماز ظہرادا کی جائے گی۔

Comments

یہ بھی پڑھیں