مقابلے میں 3 دہشت گرد ہلاک : مختلف علاقوں سے 40 ملزمان گرفتار -
The news is by your side.

Advertisement

مقابلے میں 3 دہشت گرد ہلاک : مختلف علاقوں سے 40 ملزمان گرفتار

کراچی : ملٹری پولیس کے اہلکاروں کی شہادت کے بعد دہشت گردوں کے خلاف کاروائیاں تیز کردی گئیں ہیں، مختلف مقابلوں میں تین ملزما ن ہلاک ہوئے جبکہ مختلف علاقوں سے ایک ملزم اور 40سے زائد ملزمان زیر حراست اسلحہ برآمد کئے گئے۔

تفصیلات کے مطابق کراچی میں ملٹری پولیس کے 2 اہلکاروں کے قتل کی واردات کے بعد قانون نافذ کرنے والے ادارے حرکت میں آگئے۔

پیر آباد کے علاقے میں صبح سویرے ڈاکو شہری سے لوٹ مار میں مصروف تھے کہ پولیس موقع پر پہنچ گئی جس پر ملزمان نے پولیس پر فائرنگ کردی جوابی فائرنگ میں ایک ڈاکو ہلاک ہوگیا جس کے قبضے سے لوٹی ہوئی رقم،اسلحہ برآمد ہوگیا۔

ناردرن بائی پاس کے قریب واقع مائی گڑھی کے علاقے میں دہشت گردوں کی موجودگی کی اطلاع پر رینجرز نے آپریشن کا آغاز کیا تو دہشت گردوں نے فائرنگ کردی۔

ترجمان رینجرز کے مطابق کاروائی علاقے میں قانون نافذ کرنے والے اہلکاروں پر حملوں میں ملوث دہشت گردوں کی موجودگی کی اطلاع پر عمل میں آئی، اس دورران دہشت گردوں سے مقابلے کے دوران فائرنگ کے تبادلے میں 2 دہشت گرد مارے گئے جن کی شناخت اور دیگر معلومات اکھٹی کی جارہی ہیں۔

محکمہ انسداد دہشت گردی اور ایس ایس یو کے اہلکاروں نے صبح سویرے اتحاد ٹاون میں ٹارگیٹڈ آپریشن کرتے ہوئے تین اہم ملزمان سمیت متعدد مشتبہ افراد کو حراست میں لیکر پوچھ گچھ شروع کردی ہے۔

ملزمان کےقبضے سے اسلحہ بھی برآمد ہوا ہے ،دوسری جانب رات گئے چند روز قبل گرفتار ملزم کی نشاندہی پر بھیم پورہ کے علاقے میں رینجرز نے چھاپہ مار کر ایک ملزم کو گرفتار کرکے ایک موٹرسائیکل برآمد کرلی ۔

آرام باغ اور پریڈی سمیت صدر کے مختلف علاقوں میں پولیس نے سرچ آپریشن کرکے 35 مشتبہ افراد کو حراست میں بھی لے لیا تاہم کسی قسم کا کوئی اسلحہ برآمد نہیں ہوا، پولیس کے مطابق تمام افراد کو شبے کی بنیاد پر حراست میں لیا گیا جن سے مزید تفتیش جاری ہے۔

Comments

comments

یہ بھی پڑھیں